Muqdisho (SNTV)- Tababarkaan oo socon doono labo maalmood laguna baranayo gudbinta kiisaaska cul culs iyo ilaalinta Xuquuqda aadanaha ayaa waxaa ka faa’iideysanaya 50 haween oo ka tirsan ciidanka Booliska, si ay qeyb uga noqdaan ka hortagga caqabadaha ay la kulmaan haweenka mararka qaar.
Waxaa soo qaban qaabiyay hay’adda SWDC, waxa ayna sheegeen in ay ugu talagaleen in la helo haween ciidanka booliska oo goobaha arrimaha bulshada ka howlgalo, si looga foggaado tacadiyada iyo dhibaatoyinka haweenka.
Xildhibaan Mino Xasan Shibis oo ka tirsan golaha Shacabka iyo Senator Zamzam Daahir Maxamuud, golaha Aqalka sare baarlamaanka ee dalka oo madasha ku sugnaa ayaa ku dhiira galiyay tirada haweenka ku jira booliska iyo doorkooda waxa kaloo intaa ay ku dareen in gabdhaha jaamacadaha ka baxa looga baahanyahay in ay ku soo biiraan ciidanka booliska, si qeyb uga noqdaan amniga Dalka.
Taliye ku-xiggeenka Ciidanka Booliska Soomaaliyeed Sarreeye guuto Zakiya Xuseen, oo tababarka furtay ayaa sheegtay in taliska ciidanka booliska uu diyaar u yahay in hoggaanada ciidanka inay ka mid noqdaan gabdhaha Soomaaliyeed.
Qaarada Africa tirada haweenka ku jira ciidanka booliska waxaa hoggaaminayo dalka Gana 20% gabdhaha ciidanka booliska, kaalinta 2aad waxaa ku jira dalka laberia 17%, kaalintaa seddexaad ee africa waxaa soo galay Soomaaliya oo 11% ay yihiin haweenka ciidanka Booliska.
