Muqdisho (SNTV):-Ku-simaha raโiisul wasaarha xukuumadda federaalka Soomaaliya (XFS), ahna raโiisul wasaare ku-xigeen, mudane Mahdi Maxamed Guuleed (Khadar), ayaa maanta daah-furay qorshaha fulinta ballan qaadyadii wasaaraduhu la galeen raโiisul wasaare Xasan Cali Khayre.
Qorshaha Fulinta Ballan Qaadyadii wasaaradaha ayuu ku-simaha raโiisul wasaaruhu ka billaabay wasaaradda caafimaadka iyo daryeelka bulshada oo horay raโiisul wasaare Khayre kula ballantay in sannadkaan ay soo dhamaystiri doonaan shan halbeeg oo waawayn.
Wasiirka caafimaaka iyo daryeelka xukuumadda ayaa maanta saxiixday shanta halbeeg ee horay u ballan qaaday in ay fulin doonto sannadkaan 2019.
Wasiiru dawlaha xafiiska raโiisul wasaaraha, Cabullaahi Xaamud, oo ka war bixiyay qorshaha fulinta ballan qaadyadii wasiirrada xukuumadda ayaa sheegay in raโiisul wasaare ku-xigeenka dalka oo masโuul ka ah daba galka hannaan fulinta ballan qaadyada uu si joogta ah wasaaraha u booqan doono si uu u hubiyo sida ay shaqooyinku uga socdaan wasaaradaha.
Dhammaan wasiirrada xukuumadda ayaa horraantii bishaan Janaayo waxa ay raโiisul wasaare Xassan Cali Khayre u gudbiyeen halbeegyada ay ku leeyihiin Tubaha Qaranka ee lagu saleeyay dhamaan shaqooyinka dawladda.
