Danjiraha JFS ee dalka Suudaan oo booqday Safaaradda Jamhuuriyadda Kenya ee Khartoum

Date:

Khartoum (SNTV)-Jannaayo 16, 2018:Danjiraha Soomaaliya u fadhiya dalka Suudaan Mudane Cabdirisaaq Amed Sheekh Maxamed Shoole ayaa booqday Safaaradda Jamhuuriyadda Kenya ee magaalada Khartoum, si uu ugu gudbiyo dhambaalka tacsida ah ee Wasaaradda Arrimaha Dibadda ay ka soo saartay weerarkii argagixiso ee ka dhacay Nairobi.

Danjire Shoole ayaa saxiixay diiwaanka tacsida ee Safaaradda Kenya ay ugu tala gashay dadkii ku nafwaayey weerarkii argagixisanimo ee ka dhacay magaalada Nairobi 15kii bishan Jannaayo 2019, waxa uuna u gudbiyey labo dhambaal oo tacsi iyo garab istaag ah oo ka kala socda Wasaaradda Arrimaha Dibadda Xukuumadda Federaalka Soomaaliya iyo Safaaradda JFS ee magaalada Khartoum.

Safiirka Jamhuuriyadda Kenya ee dalka Suudaan Mudane Abrown Suge ayaa uga mahadceliyey Dowaladda Federaalka iyo shacabka Soomaaliyeed garab istaagga iyo u damqashada ay u muujiyeen shacabka iyo dowladda Kenya.

Labada Danjire ayaa iska xog waraystay xaaladda guud ee gobolka, danaha wada jirka ah ee ka dhaxeeya labada dal, khatarta argagixisada Alshabaab iyo muhiimadda ay leedahay in meel looga soo wada jeesto cadwagaan caqabadda ku ah horumarka Dalalka Geeska Afrika.

Booqashadaan ayaa waxaa Safiirka ku weheliyey Danjiraha dalka aan walaalaha nahay ee Jabuuti u fadhiya Suudaan Mudane Axmed Cali Barre.

Danjireyaasha Soomaaliya, Jabuuti iyo Kenya ee Khartoum ayaa hoosta ka xariiqay in aan argagixisanimada aysan gaar ku ahayn dad, dal iyo diin gaar ah.

Share post:

Ugu Akhris badan

Kuwo kale
Kuwo kale

Xildhibaan Maxamed Islow: “Waa in ay noo kala soocnaato naceybka mas’uulka xilka haya iyo Qaranimada”

Wasiirkii hore amniga Gudaha Xildhibaan Maxamed Abuukar Islow Ducaale...

Shirka Qiimeynta mashariicda dalka ka socota oo Muqdisho ka furmay

Wasiirka Qorshaynta, Maalgashiga iyo horumarinta dhaqaalaha Xukuumadda Federaalka Soomaaliya...

Madaxda dunida oo cambaareeyay isku day dil oo lala beegsaday Donald Trump

Hoggaamiyayaasha dunida ayaa taageero u muujiyay madaxweynihii hore ee...

Xeer Ilaaliyaha Qaranka: “Waa in si deg deg ah warbixin looga keenaa wixii ka dhacay xabsiga dhexe”

-Xeer Ilaaliyaha Guud ee Qaranka Dr Suleymaan Maxamed Maxamuud...