Ciidamada Ammaanka ayaa qaranka ayaa gacanta ku soo dhigay mid ka mid ah xubnaha argagixisada oo maamulayay guri lagu farsameeyo gawaarida walxaha qarxa lagu soo rakibo.
Hay’adda Sirdoonka Qaranka ayaa sheegtay in ay gacanta ku soo dhigtay dhagar qabahaas ka tirsanaa maleeshiyada argagixisada ah ee Alshabaab.
War kooban oo lagu faafiyay barta twitter ee hay’adda NISA ayaa lagu sheegay in dhagar qabahan la soo xiray uu sidoo kale handadaad iyo cago jugleyn joogto ah ku hayay dadka Soomaaliyeed oo uu ka qaadan jiray lacago baad ah.
Ciidanka Amniga ayaa gacanta ku soodhigay dhagarqabe amniga Al-shabab katirsan, oo lahaa guri qarsoon oo lagu hayo gawaarida loo isticmaalo qaraxyada. Shakhsigan ayaa sidoo kale cagajuglayn Zakawat uga qaadi jiray dadka.#NISA
— NISA (@HSNQ_NISA) December 21, 2018
Ciidammada ammaanka dalka ayaa laba jibbaaray howl gallada qorsheysan ee ay ku beegsanayaan goobaha ay qaraxyada iyo dilalka ka soo maleegaan kooxaha argagixisada ah sida Alshabaab iyo Daacish, waxayna howl galladaan ku fashiliyeen qorshayaal badan oo argagixisadu la damasanaayeen dhibaateynta shacabka soomaaliyeed.
