Muqdisho(SNTV):- Ciidanka sida gaarka u tababaran ee Danab,Ciidamada Booliska iyo Nabad usgida Soomaaliya ayaa soo afjaray weerar Argagixisada Al-Shabaab saaka ku qaadeen Guri ku yaala magaalada Gaalkacyo oo uu daganaa wadaad lagu magacaabo Cabdiweli Cali Cilmi Yare.
Gaari waxyaabaha Qarxa lagu soo xiray ayaa la sheegay in Guriga lagu dhuftay ka dibna Naftood haligayaal ka tirsan Al-Shabaab ay gudaha u galeen Guriga.
Ciidanka xoogga dalka Soomaaliya ee sida gaarka u tababaran ayaa mid mid u toogtay dhammaan naftood haligayaasha Al-Shabaab ee doonayay inay shacab badan ku dilaan halkaas.
Khasaaro isugu jira dhimasho iyo dhaawac ayaa ka dhashay weerarka,waxaana sida wariyaha Warbaahinta Qaranka magaalada Gaalkacyo soo sheegayo weerarka ku dhintay 9-qof oo shacab ah iyo 4-ka mid ah kooxihii weerarka soo qaaday oo Ciidamada Dowladda ay gacanta ku dhigay mid ka mid ah dhagarabayaashii saakay dagaalka kula waabarisata guri ku yaal magaaladda Gaalkacyo isagoo dhaawac ah.
Laamaha amaanka ee Dowladda Federaalka iyo Maamulka Gaalkacyo wali war rasmi ah kama soo saarin weerarka iyo khasaaraha ka dhashay.
