Muqdisho (SNTV):–Ciidamada NISA, booliska iyo shacabka oo iskaashanaya ayaa ku guuleystay in la fashiliyo qarax miino oo lagu aasay Degmada Heliwaa, kaasi oo la doonayay in lagu dhibaateeyo shacabka Soomaaliyeed.
Ciidamada ayaa shacabka uga mahadceliyay kaalinta ay ka geysteen la shaqeynta laamaha ammaanka.
“Wada shaqayn dhaxmartay ciidamada Police-ka, NISA iyo shacabka degmada Heliwaa ayaa lagu fashiliyay miino ay argagixisadu galiyeen dhulka si ay shacabka Soomaaliyeed ugu dhibaateeyaan.Wada shaqaynta shacabka iyo laamaha amniga ayaa dhabarjab ku noqonaya AS”.ayaa Lagu yiri War ka soo baxay NISA
Ciidamada Amniga ayaa had iyo jeer wado dadaallo ku aadan sidii looga hortagi lahaa falalka arxan darada ah ee kooxaha Argagixisada, iyagoo gacanta ku soo dhigay Horjoogayaal iyo Maleeshiyaad maleegayay weerarro Argagixiso kuwaas oo la rabay in waxyeelo loogu geesto Shacabka Soomaaliyeed.
