Xaruntii Marin Habaabinta Al-Shabaab ee Andolus oo la burburiyay

Date:

Muqdisho (SNTV)- Wararka naga soo gaaraya magaalada Jilib ee Gobalka Jubbada Dhexe ayaa sheegaya in la burburiyay xaruntii marin habaabinta Al-Shabaab ee Andolus, ka dib duqayn xoog leh oo xalay ka dhacday magaaladaasi.

Duqayntaan oo ahayd mid bartilmaameed ah oo xarumo dhowr ah oo Al-Shabaab ay ku dhuumaalaystaan hal mar lagu wada rusheeyay, ayaa goobaha sida gaar ah loola beegsaday waxaa ka mid ahaa xaruntaan oo ka shaqaynaysay marin habaabinta iyo baadiyeenta dadka Soomaaliyeed.

Wararka ayaa sheegaya in shar sheegayaashii xiligaasi ku sugnaa Idaacadda Andolus ay duqayntaasi ku baaba’een, inkastoo waliaan la helin magacyada.

Dhowaan ayay ahayd markii magaalada Jilib ay ku dagaalameen Maleeshiyaadkaan Argagixisada ah ka dib markii uu soo kala dhexgalay shiki ah in qayb ayaga ka mid ah ay doonayaan inay ku biiraan Daacish, taasi oo keentay in garab ka mid ah Argagixisada laga saaro magaalada Jilib.

Radio Muqdisho ayaa ogaatay in Jabriil oo ka mid ah Shar sheegayaasha Al-Shabaab oo ka tirsanaa xarunta marin habaabinta Andolus uu ku dhaawacmay dagaalkii ka dhacay magaalada Jilib.

Share post:

Ugu Akhris badan

Kuwo kale
Kuwo kale

Dhulgariir geystay khasaarooyin kala duwan oo ka dhacay Afganistan

Ugu yaraan 600 oo qof ayaa dhintay, 1,500 oo...

Guddoomiyaha SoDMA iyo Madaxa Bisha Cas ee Qatar oo ka wada hadlay gargaarka iyo tababarrada

Guddoomiyaha Hay’adda Maareynta Masiibooyinka Qaranka (SoDMA), Mudane Maxamuud Macalin...

Maxkamadda Ciidamada oo saakay xukun dil ah ku fulisay xubno ka tirsanaa Khawaarijta

Maxkamadda Ciidamada Qalabka Sida ayaa saaka dil toogasho ah...

Ciidamada Xoogaa Dalka oo lagu bogaadiyay howlgal lagu jabiyay Khawaarijta

Taliyaha qeybta 1-aad Kumaandooska Gorgor Gaashaanle Dhexe Saahid Jaamac...