Dhuusamareeb (SNTV)- Ciidamada Xooggaa Dalka iyo kuwa Galmudug oo is kaashanaya ayaa Maleeshiyaadka Al-shabaab kala wareegay Deegaanka Gool-goole oo qiyaastii 85Km Koofur ka xiga Degmada Guri-ceel ee Gobolka Galgaduud.
Saraakiisha Ciidamada Hoggaaminaya ayaa waxa ay Warbaahinta Qaranka u sheegeen in Dagaal kooban uu Halkaasi ka dhacay ka dib Maleeshiyaadku isku dayeen inay Deegaanka dib ugu soo laabtaan.
Wararka aynu hada ka helayno Deegaandaas ayaana waxa ay sheegayaan in Ciidamadu Kooxihii Al-shabaab ee Dadka dhibaatayn jiray ay sii baacsanayaan waxa ayna Al-shabaab isaga baxeen Deegaano hor leh maadaama Ciidamada Xoogga Dalku ku sii wajahan yihiin.
Howlgaladaan ay iska kaashanayaan Ciidamada Galmudug iyo kuwa Xoogga Dalka ayaa la doonayaa in Maleeshiyaadka looga xoreeyo Meelaha ay kaga sugan yihiin Gobolka.
Dadka Deeganadaas ayaa waxa ay Ciidamada ka caawinayaan sidii ay u soo sheegi lahaayeen Meelaha Nabadiidka Al-shabaab ay ku dhuumaalaysanayaan waana mida fududaysay in Saaka lagala wareego Deegaano hor leh.
By: Maxamed Cabdi
