Muqdisho (SNTV):-ย Wasiirka Waxbarashada Hiddaha iyo tacliinta sare ee Xukuumadda Federaalka Soomaaliya Mudane Cabdullaahi Goodax Barre iyo Taliyaha Ciidanka Asluubta Soomaaliyeed ayaa maanta si wadajir ah u kormeeray dhismaha xarunta Wasaaradda Waxbarashada oo xilligan uu ka socdo dib u dhis.
Kormeerka Wasiirka Waxbarashada Hiddaha iyo Tacliinta sare Mudane Cabdullaahi Goodax Barre ayaa waxaa ku wehelinayay ,taliyaha ciidamada Asluubta Soomaaliya S/Guudย Mudane, Bashiir Maxamed Jaamac, wasiir ku xigeenka Wasaaradda Waxbarashada Mudane Feysal Cumar Guuleed iyo agaasimaha guud ee Wasaaradda Waxbarashada Mudane, Xassan Maxamed Cali.
Wasiirka Waxbarashada Mudane Cabdullaahi Goodax Barre ayaa sheegay in wax lagu farxo ay tahay in injineerada dhisaya xarunta Wasaaradda Waxbarashada ay ka mid yihiin injineero ka tirsan ciidamada Asluubta Soomaaliya.
โInjineerada dhisaya xarunta wasaaradda waxbarashada xukuumadda federaalka Soomaaliya ayaa waxaa ka mid ah injineero ka tirsan ciidamada Asluubta taasina waa guul ay gareen ciidamada Asluubtaโayuu yiri Wasiirka Waxbarashada Mudane Cabdullaahi Goodax Barre.
Mudane Cabdulahi Goodax Barre ayaa tilmaamay in arintan ay guul u tahay shacabka Soomaaliyeed islamarkana dhaqaalaha ku baxaya dib ugu soo noqonayo dowladda iyo shacabka Soomaaliyeed.
โArinta waa mid guul u ah shacabka Soomaaliyeed maxaa yeelay dhaqaalaha ku baxaya wuxuu dib ugu soo noqonaya dowladda iyo shacabka,waxaan rajeyneynaa in dhawaan la soo gaba gabeyn doono dhismahaโayuu intaasi raaciyay wasiirka waxbarashada Mudane Cabdulahi Goodax Barre.
Dhanka kale,Taliyaha Ciidanka Asluubta Soomaaliyeed Sareeye Guud Bashiir Maxamed Jaamac โKeynaanโ ayaa sheegay in macno gooni ah ay uleedahay in dhismaha Wasaaradda Waxbarashada ay kaalin xooggan ay ku yeeshaan taliska Ciidanka Asluubta,taasi oo qeyb ka ah siyaasadda Dowladda.
Hoggaanka dhismaha Ciidanka Asluubta ayaa gacanta ku haya dhowr mashaariic oo lagu dhisayo xarumaha Dowladda.
