Muqdisho (SNTV)-Ciidanka Xoogga Dalka Soomaaliya gaar ahaan Qeybta 43aad ayaa maanta Waxay Weerar ku qaadeen tuulooyin hoostaga Degmadda Jammaame oo ay ka mid tahay tuulada Kawan oo u dhaw deegaanka Araare ee gobolka Jubadda Hoose.
Deegaanka Kawan oo ay isku Uruursanayeen Maleeyshiyada Kooxda Arxanka darran ee Al-Shabaab ayaa Waxaa Ka War Helay Taliska Qeybta 43aad Ee Ciidanka Xoogga Dalka, Waxaana Halkaasi ka dhacay Dagaal Nabad Diidka Al-Shabaab Qaasaro xooggan lagu gaarsiiyey, isla markaasna looga saaray tuulada kawan oo hadda ay gacanta ku hayaan Ciidanka Xoogga Dalka.
Qasaaro isugu jira Dhimasho iyo Dhaawac ayaa la gaarsiiyay Nabad diidka Kooxda Al-Shabaab, sidoo kale Waxaa dagaalka looga qabsaday Seddex Qori oo AK47 ah.
Ku-simaha Taliyaha Qeybta 43aad ee Ciidanka Xoogga Dalka Somaaliyeed Sarreeye Gaas Yuusuf Xuseen Cismaan ayaa Warbaahinta Qaranka uga Warbixiyay Dagaalkaasi Nabad diidka Al-Shabaab looga Saaray Tuulada Kawan, isaggoo xusay in nabad diidka halkaasi lagu gaarsiiyey Qasaaro xooggan oo dhimasho iyo dhaawacba leh.
