Muqdisho (SNTV)-Wasiirka Wasaaradda Warfaafinta, Dhaqanka iyo Dalxiiska Xukuumadda federaalka Soomaaliya Mudane Daahir Maxamuud Geelle, ayaa ka qeyb galay munaasabad lagu soo bandhigayey Cilmi baaris laga sameeyey Kalsoonida Shacabka ay ku qabaan waxqabadka dawladda Soomaaliya.
Cilmi baaristaan ayaa diiradda waxaa lagu saaray Waxqabadka Hayโaddaha kala duwan ee dawladda ee dhinacyadda arrimaha Amniga iyo dhaqaalaha, iyaddoo Natiijada Cilmi baarista lagu sheegay in tirada ugu badan ee dadka suโaalaha la weydiiyey ay qireen in ย dawladda ay ku socoto Wadada Horumarka.
C/risaaq Maxamed Aadanย oo ah Guddoomiyaha Hayโadda Cilmi Baaristaan sameysay ayaa sheegay in cilmi baarista laga sameeyey gobolada Soomaaliya, isaggoo xusay inay soo arruuriyeen aragtida 1,500 oo qof oo ay wax ka weydiiyeen arrimaha amniga, ย dhaqaalaha dalka iyo kalsoonida Shacabka ay ku qabaan hayโaddaha dawladda.
Wasiirka Wasaaradda Warfaafinta, Dhaqanka iyo Dalxiiska Xukuumadda federaalka Soomaaliya Mudane Daahir Maxamuud Geelle, ayaa sheegay inay so dhaweynayaan cilmi baaristaan, islamarkaana uu ku faraxsan yahay in dadka Soomaaliyeed ay qireen in dawladda Soomaaliya ay jiho sax ah ay ku socoto.
