Beledweyn (SNTV)- Lixda eedeysane ayaa soo abaabulay weerar ay dad shacabย ku dhinteen 28-ka bishii tegtay iyagoo gacan siinayayย Mahad Xuseen Shiidow oo maalin ka hor wada bajaajle ku dilay degmada Beledweyn ee gobalka Hiiraan.
Khubarro baarayaal ah oo Muqdisho kaga yimid dhacdadan, wakiilna ka ahaa dowladda dhexe ee Soomaaliya ayaa iyana sii baaray dhacdadan,ย waxa ayna baaristooda ku ogaadeenย kaalimihiiย ayย kulahaayeenย wixii dhacay eedaysanayaasha loo soo xiray dacwadaย iyagoo khubaradu u gudbiyay gabagabada baaristooda ย xafiiska xeer ilaalinta ciidamada qalabka sida.
Xafiiska Xeer Ilaalinta ayaa u gudbiyay maxkamadda eedda ka dhanka ah lixda eedaysane iyagoo ย soo bandhigay cadaymo laga qorayย eedeysanayaasha, wuxuu sidoo kale Maxkamadda horgeeyay xafiiska xeer ilaalintaย Markaatiyaal deegaanka ah ee goobjoogga u ahaa dhacdada ay ku dhinteen Laba ruux midna uu ku dhaawacmay.
Maxkamadda oo ka duuleysa arrimahaasi ayaa ugu dambeyn goโaan kasoo saartay Lixda eedeysane oo mid maqan yahay.
Cabdisamad Maxamed Cusmaan (Af-dheere)ย oo ka tirsanaa guutada Shanaad,ย qeybta 27-aad ee Ciidanka Xoogga Dalka Soomaaliya ayay Maxkamaddu ku heshay in uu ahaa shaqsiga dilkaย geystay waxa aynaย ku xukuntay Dil toogashaย halka Aadan cali cilmi, ย Burhaanย yusuf nuur, Cabdifitaax bedel qoofiyow iyoย Maxamed cali cilmi ay kuwada xukuntay Min Shan (5)-sano oo Xabsi Ciidan ah.
Maxkamadda ayaa ย sidoo kale amartay in xabsiga laga siiย daayo Maxamed yuusuf tifow ย hadii aysan jirin dambiya kale oo loo heysto, sida uu u sheegay Warbaahinta Dowladda Gaashaanle Sare Xasan Cali Nuur Shuute Guddoomiyaha Maxkamadda Darajada koowaad ee Ciidamada Qalabka Sida.
Xukunsanayaasha ayaa heysta fursad kaleย hadii aysan ku qancin xukunka Maxkamadda Darajada koowaad.
