Guddiga joogtada ee golaha shacabka ayaa maanta ka shiray kala hormarinta ajandayaasha kalfadhiga 4-aad.

Date:

Muqdisho- Soomaaliya, 13-09-2018: Guddiga joogtada ee golaha shacabka ayaa maanta kulankooda 41-aad ku yeeshay xarunta golaha shacabka ee Muqdisho.

Kulanka waxaa shir guddoominaayay guddoomiye ku xigeenka koowaad ee golaha shacabka Mudane C/weli Sheekh Ibraahim (Muudeey).

Waxaa goobjoog ka ahaa guddoomiye ku xigeenka labaad ee golaha shacabka mudane Mahad Cabdalla Cawad iyo xoghayaha guud ee golaha shacabka Mudane C/kariin Xaaji Cabdi (Buux).

Kulanka intiisa badan waxaa loogu hadlay shaqooyinkii horyaalla golaha shacabka iyo sida loo kala hormarin karo.

Xubnaha guddiga ayaa soo bandhigay talooyinkooda ku aadan sida loo wajahi karo howlaha culus ee horyaalla golaha shacabka iyo kala hormarintooda.

Xubnaha guddiga joogtada ayaa isku raacay in si adag loo shaqeeyo maadaama waqtiga uu yar yahay shaqadana ay badan tahay.

Sidoo kale waxay ka doodeen sida loo kala hormarin karo shuruucda hada hortaalla golaha shacabka kuwaasi oo heerar kala duwan maraya sida hindise sharciyeedayada xukuumada ay soo gudbisay oo aan weli golaha shacabka la horgeyn, hindise sharciyeedyo maray aqrinta koowaad iyo labaad.

Guddoomiye ku xigeenka koowaad ee golaha shacabka mudane C/weli Sheekh Ibraahim (Muudeey) ayaa sheegay in kalfadhigaan shaqooyin badan la doonayo in la qabto.

Xildhibaanada ayuu kula dardaarmay iney usoo diyaar garoobaan gudashada masuuliyada saaran.

“Mudanayaal waad og tihiin howlo badan ayaa na horyaalla kalfadhigaan oo ay ugu horeeyaan miisaaniyadda, anisxinta hindise sharciyedyada muhiimka u ah dalka iyo dib u eegista dastuurka.” ayuu yiri guddoomiye muudeey.

Ugu dambeyn kulanka waxa lagu soo bandhigay jadwalka uu golaha shacabka ku shaqeyn doono kalfadhiga 4-aad.

Share post:

Ugu Akhris badan

Kuwo kale
Kuwo kale

Ciidanka xoogga dalka oo la wareegay Sabiid iyo Caanoole

Ciidanka Xoogga Dalka Soomaaliyeed ayaa guul ka gaaray dagaalka...

Kalfadhigii lixaad ee labada Gole Baarlamaan oo beri la xirayo

Guddoonka labada Aqal ee Baarlamaanka Jamhuuriyadda Federaalka Soomaaliya ayaa...

Madaxweynaha maamulka Somaliland oo si rasmi ah u furay imtixaanka Shahaadiga ah ee 2025

Madaxweynaha maamulka Somaliland, Mudane Cabdiraxmaan Maxamed Cabdilaahi (Cirro) ayaa...

Wasiirka Arrimaha Dibadda XFS ayaa ka qeyb galay shir deg deg ah oo isugu yimaadeen Wasiirrada Arrimaha Dibadda Carabta

Wasiirka Arrimaha Dibadda iyo Iskaashiga Caalamiga, Mudane Cabdisalaan Cabdi...