Talisyada ciidamada Booliska Soomaaliya iyo Suudaan oo iska kaashanaya xoojinta wadashaqeyn ee labada dhinac

0
91

Muqdisho september 10 (SNTV);-Taliyaha Ciidanka Booliska Soomaaliyeed S/gaas Bashiir Cabdi Maxamed “Ameeriko” iyo saraakiil uu hoggaaminayo ayaa  u ambabaxay magaaladda  Khartuum ee dalka Sudan, kadib casuumaad rasmi ah oo ay  ka heleeny Taliyaha ciidanka Booliska Dawladda Suudaan.

Taliyaha iyo wafdiggiisa ayaa waxaa garoonka diyaaradaha ee magaaladda Muqdisho kusii sagootiyey qaar kamid Saraakiisha Ciidanka Booliska Soomaaliyeed.

S/gaas Bashiir Cabdi Maxamed “Ameeriko” Taliyaha Ciidanka Booliska Soomaaliyeed iyo saraakiisha uu hoggaaminayo ayaa la filayaa inta ay ku sugan yihiin magaaladda Khartuum in ay la kulmaan Madaxda sare ee Ciidanka dawladda Suudaan.

Labada dhinac qodobada ay kawada hadli doonaan waxaa kamid ah  siddii  loo xoojin lahaa wada shaqeynta ay leeyihiin Booliska Soomaaliya iyo Suudaan, kordhinta taageerada iyo tababarka ciidanka booliska Soomaaliya iyo qodobo kale.

Dawladda Suudan ayaa waxay kamid tahay Wadamada Soomaaliya ka caawiyo dib u dhiska dalka, tababarada iyo qalabeynta Ciidanka Booliska Soomaaliyeed.