Muqdisho (SNTV)- Taliyaha Ciidanka Xoogga Dalka S/gaas Daahir Aadan Cilmi Indhaqarshe ayaa sheegay in la qaban doono imtixaan guud oo laga qaadayo Saraakiisha Ciidanka Xoogga Dalka.
Ujeedka imtixaanka ayaa ah in la ogaado heerka Aqooneed iyo qibradaha ay leeyihiin saraakiisha Ciidanka Xoogga Dalka.
Taliyaha Ciidanka Xoogga Dalka Soomaaliya S/gaas Daahir Aadan Cilmi Indhaqarshe ayaa sheegay in dhawaan la bilaabayo imtixaan guud oo ay ka qeyb gali doonaan Saraakiisha ciidanka xoogga dalka.
General Daahir Aadan waxa uu sidoo kale sheegay ujeedka imtixaanaadka looga qaadayo saraakiisha xoogga dalka isagoona sheegay qaadista imtixaanka lagu kala saarayo saraakiisha leh Aqoonta iyo kuwa ay qibradooda ay yar tahay
Saraakiisha imtixaanka ku dhacdo ayuu sheegay in loo furi doono koorso waxbarasho oo lag dhisayo heerka Aqoontooda, ka dib wareegto uu so saaray Taliyaha Ciidanka Xoogga Dalka Soomaaliyeed S/gaas Daahir Aadan Cilmi indhaqarshe.
