Madaxweynaha JFS mudane Maxamed Cabdullaahi Farmaajo ayaa ayaa u amba baxay dalka Turkiga ka dib markii uu casuumaad ka helay dhiggiisa dalka Turkiga Mudane Raccep Tayyip Erdogan.
Madaxweyne Farmaajo ayaa lagu casuumay in uu ka qeyb galo shirweynaha 6aad ee caadiga ah ee ee xisbiga Caddaaladda iyo Horumarka ee ka taliya Turkey,kaas oo qabsoomi doona 18-ka bishan oo ku beegan berri oo sabti ah.
Madaxweynaha Jamhuuriyadda ayaa la kulmi doona madaxweynaha Turkiga Mudane Erdogan oo ay ka wada hadli doonaan xiriirka laga geesoodka ah ee Soomaaliya iyo Turkey iyo iskaashiga labada dal ee dhinacyada dhaqaalaha, amniga iyo sara u qaadista ganacsiga iyo maal gashiga.
Dalka Turkey waxa uu jaal dhow u yahay Soomaaliya oo uu garab u noqday xilli adag,waxaana labada dal ka dhexeeya xiriir walaaltinimo iyo iskaashi oo aad u xooggan.
