Qaramada Midoobay Oo baareysa Carruurti lagu laayey Yemen.

Date:

New York Sabti August 11(SNTV):- Kulan ay ku  yeeshaan magaalada Newyorka,Golaha Ammaanka ee JImciyadda Qurumaha ka dhexeysa ayey  kaga hadleen duqeyntii lagu dilay caruur badan oo Yemaniin ah,iyadoo dalbaday in baaritaan madax bannaan oo lagu kalsoon yahay lagu sameeyo duqayntii diyaaradaha dagaalka ee xulufada Sucuudigu ku dileen carruurta badan ee reer Yemen,xili ay saarnaayeen gaari bus ah.

Waxaa kulanka kadib Goluhu uu isku raacay in ay dib u eegis ku sameeyaan natiijada baaritaanka uu ballan qaaday milatariga Sucuudiga,xili Weerarkaasi ay carruurta ku dhammaadeen uu khamiistii ka dhacay gobolka Sacda ee Xuutiyiintu ay maamulaan.

Karen Pierce oo ah kusimaha Madaxa Golaha ammaanka ee QM ayaa xusay in loo baahanyahay baritaan dhab ah oo arrintaasi ku aadan,si looga jawaabo.

Duqeymahaasi ayaa la sheegay in ay ku geeriyoodeen 29 carruur ah balse saraakiisha Xuutiyiintu ayaa sheegay in afartameeyo lagu dilay duqeyntaasi,halka tiro intasi ka badana ay ku dhaawacmeen.

Sucuudiga oo taageera dowladda Yaman isla markaana taageero ka hela Maraykanka iyo Ingiriiska oo xubno ka ahi golaha ammanka ee Qaramada Midoobey ayaa markii hore sheegay in tallaabadaasi ahayd mid sharci ah oo aanay haba yaraatee rayid waxba ku yeelin, haatanse wuxuu sheegay in baadhayaan dhacdadaas.

Dalka Yeman ayaa dagaalada ka socda waxaa ay saameeyeen nolosha malaayiin ruux  oo ka barakacay guryohooda,kumanaan ayaa ku geeriyootay,halka tiro kale aad u badana ay dhaawacyo ka soo gaareen.

 

Share post:

Ugu Akhris badan

Kuwo kale
Kuwo kale

Guddoomiyaha Gobolka Banaadir oo kulan la qaatay madax iyo siyaasiin heer qaran ah

Guddoomiyaha Gobolka Banaadir ahna Duqa Magaalada Muqdisho, Dr. Xasan...

Guddoonka Labada Aqal ee BJFS oo Guddi Xildhibaano ah magacaabay

Guddoonka labada Aqal ee Baarlamaanka Jamhuuriyadda Federaalka Soomaaliya ayaa...

Golaha shacabka oo ansixiyey gudidda xuquuqal insaanka Qaranka

Xildhibaannada Golaha Shacabka Baarlamaanka JFS ayaa cod Aqlabiyad leh...

Guddiga Garsoorka ee aqalka sare oo yeeshay kulan gaar ah

Guddiga Garsoorka, Cadaaladda, Arrimaha Diinta, Awqaafta, Xaquuqul Insaanka, Haweenka...