Muqdisho Arbaca August 1da 2018 (SNTV):- 160 xubnood oo ka tirsan Booliska AMISOM ayaa la filayaa inay ka baxaan Soomaaliya Todobaadkan sii dhammaanaya,ka dib markii ay dhammaysteen waajibaadkooda howlgalka Soomaaliya.
Askartan ayaa dhammaantood kasoo jeedda Dalka Yugaandha oo qayb ka ah nabad ilaalinta AMISOM, kuwaasoo Soomaaliya u joogay howlo isugu jira tababar iyo tayaynta hoggaanka Saraakiisha Booliska Soomaaliya.
Yugaandha ayaa ah Dowladdii ugu horreeysay ee ka jawaabtay baahiyaha tababarrada Booliska Soomaaliya Sanaddii 2012-kii, ayadoo wixii xilligaa ka dambeeyay Gacan ka geysanaysay taageerada iyo dhiirri gelinta Ciidanka Boliiska Soomaaliyeed.
