Kismaayo (SNTV),ย Xuseen Maxamuud oo Kooxda Alshabaab dhexdeeda looga yaqaano Ramadaani, kana ย mid ahaa Kooxda Alshabaab, ayaa isu-soo dhiibay Ciidanka Xoogga Dalka ee ku sugan deegaanka Baarsanguuni ee Gobolka Jubbada Hoose.
Xuseen, ayaa Argagixisada waxa uu u qaabilsanaa Aruurinta lacagaha baada ah oo kooxda Al-shabaab ay ka qaado dadka shacabka ah, sidoo kale waxa uu madax u ahaa qeyb ka mid ah Maleyshiyaadka Amniyaadka ah ee fuliya dilalka qorsheysan.
Taliyaha howlgalinta Ciidanka Xoogga ee qeybta 43Aad G/sare Ismaciil Shiikh Isxaaq oo la hadlay Idaacadda ku hadasha Afka Ciidamada qalabka sida ee Soomaaliya, ayaa sheegay in horjooge Xuseen Maxamuud Ramadaani isa soo dhiibistiisa ay timid, iyaddoo Kooxda Alshabaab dhexdeeda uu ka jiro Khilaaf aad u xooggan, isaggoo xusay in ay soo gaareyso warbixin sheegeysa in Argagixisada iyagga ay haddaย is beegsanayaan.
Xuseen Maxamuud Ramadaani oo ah Horjoogaha Ciidanka isku soo dhiibay oo la hadlay Idaacadda Codka Ciidamada qalabka sida, ayaa sheegay in uu ka qeyb qaatay dagaalo badan, islamarkaana uu goโaansaday inuu isaga baxo Kooxda oo uu sheegay in daadinta Dhiigga Shacabka ay usoo jeesteen.
