Ontario(SNTV)โFanaanka caanka ah ee Soomaaliyeed Ustaad Al-Fanaan Axmed Naaji Sacad ayaa lagu soo dhaweeyay magaalada Toronto ee dalka Canada.
Fanaanka waxaa lagu martiqaatay munaasabada Calanka saarka Soomaaliya, kaasi oo lagu wado inuu saaro baarlamaanka gobolka Ontario,waxaa hore calanka u saari jirtay allaha u naxariistee Khadiijo Cabdulahi Dalays.
Fanaaniinta Soomaaliyeed ayaa mar walba waxay u taagan yihiin inay Dalkooda u adeegaan, iyadoo lawada ogsoon yahay inay ka qeybqaateen xilliyadii Gobonimo doonka, oo uu ka mid yahay Al-Fanaan Axmed Naaji Sacad.
Al-Fanaan Ustaad Axmed Naaji Sacad ayaa waxaa Garoonka Dayuuradaha ee Magaalada Ontario ee Cariga Canada ku soo dhaweeyay qaar ka mid ah Jaaliyadda Soomaaliyeed ee Dalka Canada.
