Wafdi sare oo ka socda dawladda Eritrea ayaa maanta gaaray dalka Ethiopia, halkaas oo ay ka bilaabanayaan wadahadallo nabadeed oo xadka labada wadan ku aadan.
Wafdiga Eritrea ka socda waxaa hogaaminayey wasiirka arrimaha dibadda dalkaas Cusmaan Saalax, waxaana qayb ka ah Yemane Gebreab oo ah kaaliyaha sare ee madaxwaynaha Eritrea.
Raโiisal wasaaraha Ethiopia Abiy Axmed ayaa garoonka diyaaradaha Addis ababa ku soo dhaweeyey, waxaana ay wada qaateen kulan ku aadan sidii wada xaajoodka loo bilaabi lahaa.
Arrintan waxa ay ka dambaysay markii Raโiisal wasaaraha Ethiopia uu sheegay inuu aqbalay heshiiskii Nabadeed ee Algeris ee soo baxay sanadkii 2000, kaas oo magaalada Badme u calaamadaynayey Eritrea.
Labada dal waxaa dhex maray dagaal 2-sano socday oo ay ku dhinteen dad ka badan 70-kun oo ruux, ka hor inta aysan kala goโin 1993-dii, balse hadda waxay u muuqataa in xaalad daris wanaag ah ay abuurayaan.
