Ra’iisul Wasaare Xasan Cali Khayre oo maanta la ciiday Shacabka Muqdisho.

Date:

Muqdisho, June 15, 2018— Ra’iisul Wasaaraha Xukuummadda Federaalka Soomaaliya Mudane Xasan Cali Khayre ayaa maanta socdaal ku tegay deegaanka Daaru-salaam, Xeebta Liido iyo Beerta Nabadda halkaas oo ay ku damaashaadayeen dadweyne u dabbaal degayay Farxadda munaasabadda Ciidul-Fidriga.

Ra’iisul Wasaaraha oo beerta Nabadda kula hadlay shacabkii halkaa ku sugnaa ayaa ugu hambalyeeyay munaasabadda ciidul-Fidriga isaga oo ku ammaanay sida ay ula shaqeeyeen ciidamada ammaanka oo ay uga qeyb qaateen nabadgelyada Caasimadda iyo guud ahaan Dalka.

Ra’iisul Wasaare Xasan Cali Khayre ayaa si taa lamid ah ciidanka Suggidda amniga Caasimadda kula ciiday saldhigga ay ku leeyihiin Xarunta Xisbiga ee magaalada Muqdisho, halkaas oo ciidanka uu kula qadeeyay.

Mudane Xasan Cali Kheyre ayaa kula dardaarmay ciidanka in ay sii laba jibbaaraan dadaalka ay ku sugayaan amniga si shacabku ay ugu noolaadaan nabad iyo xasilooni waarta.

Share post:

Ugu Akhris badan

Kuwo kale
Kuwo kale

Danjire Ilyas Cali Xasan oo loogu soo dhoweeyay Magaalada Lubumbashi ee Dalka Kongo DRC 

Lubumbashi, Kongo DRC, Oktoobar 23, 2025 – Wafdi uu...

Safaaradda Soomaaliya ee Ankara oo kala hadashay Turkiga Sharciga Deggenaanshaha Soomaalida

Safaaradda Jamhuuriyadda Federaalka Soomaaliya (JFS) ee Ankara ayaa bilihii...

Golaha Wasiirrada oo ansixiyey darajooyinka loo asteeyey Degmooyinka Gobolka Banaadir

Golaha Wasiirrada Xukuumadda Jamhuuriyadda Federaalka Soomaaliya, oo maanta yeeshay...

Xeer Ilaaliyaha Guud ee Qaranka oo tacsiyeeyay geeriddii ku timid Cabdullaahi Daahir Barre.

Xeer Ilaaliyaha Guud ee Qaranka, Mudane Sulaymaan Maxamed Maxamuud,...