Muqdisho (SNTV)-Habeenkan caawa ah waxaa ku wada ballansanaa wareegga 3-aad ee tartan aqooneedka bisha Ramadan degmooyinka Warta Nabadda & Jilib oo ka kala tirsan goballada Benaadir iyo Jubbada-Dhexe.
Tartameyaasha Degmada Warta Nabadda ee Gobolka Banaadir waxaa la weydiiyey 7- Su’aal, ma jirin hal su’aal o oay ka jawaabeen oo waa ay iska qaldeen dhamaan todobadii su’aal ee la weydiiyay, balse waxa ay ka faa’iideysteen hal su’aal oo soo hareer martay tartamaayasha Degmada Jilib, guud ee dhibcaha tartameyaasha Degmada Warta Nabadda ay heleen waxay noqotay 2-dhibcood.
Tartamayaasha Degmada Jilib ee Gobolka Jubbada Dhexe waxaa dhankooda la weydiiyay todobo su’aal, waxa ay ka jawaabeen Hal su’aal, mana jirin wax ka faa’iideysi ah oo ay heleen, wadarta guud ee dhibcaha ay heleen tartameyaasha Degmada Jilib waxay noqotay 2- dhibcood.
Tartamayaasha labada degmo ayaa isku garab dhacay oo ay noqdeen isku dhibco, waxaana uu guddiga ku daray su’aallo dheeri ah oo lagu kala saarayay labada tartame, waxaana su’aashii koowaad la weydiiyay tartamaayasha Degmada Jilib waana ay iska qaldeen, waxaana ka faa’iideystay dhiggooda Warta Nabadda, iyagoo sidoo kale ka jawaabay toodii gaarka ahayd, waxana ay la yimaadeen 4 dhibcood iyo labo dhibac oo ay horey u wateen.
Warta Nabadda 6- dhibcood iyo Jilib oo heshay 2- dhibcood.
Tartamayaasha Degmada Warta Nabadd ee Gobolka Banaadir ayaa caawa u soo gudbay wareegga afaraad ee tartanka, halka tartamayaasha Degamda Jilib ay ku biireen degmooyinka ku haray wareegga 3-aad ee tartan aqooneedka.
Tartanka ay tabineyso warbaahinta Qaranka isla markaana uu taaba gelinayo maamulka gobalka Benaadir waxaa habeen dambe ku wada ballansan Kismaayo & Xamar-jajab oo ka kala tirsan Gobollada Banaadir iyo Jubbada Hoose.
