Shirka wadatashiga dib u eegista sharciga socdaalka Soomaaliya oo ka furmay Muqdisho

Date:

Furitaanka Shirkaan oo la xiriiray dib u eegista Sharciga Socdaalka Soomaaliya, waxaa ka qeyb galay Wasiiro ka socday dowlad-goboleedka Hirshabelle, Agaasimeyaal, iyo kusimaha ahna kuxigeenka Agaasimaha guud eee Hay’adda Socdaalka iyo Jinsiyadda Soomaaliya, waxaana qorshaha shirkaan oo ahaa in lagu qabtay magaalada Baladweyne hasa yeeshee la isla gartay in lagu qabto Muqdisho sababo la xiriira Fatahaadaha ka jira Hirshabelle.

Lataliyaha dhinaca Sharciga ee Hay’adda Socdaalka iyo Jinsiyadda Soomaaliya Safiyo Cabdullaahi Shire ayaa madasha ka sheegtay in si loo helo sharci la jaan qaadi kara shuruucaha kale duwan ee dunida ay bilaabeen sanadkii 2017-kii latashiyo la xiriira dib u eegista Sharciga Socdaalka Soomaaliya.

Kusimaha agaasimaha, ahna ku xigeenka agaasimaha guud ee Hay’adda Socdaalka iyo Jinsiyadda Mudane Cabdullaahi Xaaji Bashiir Shiino ayaa tilmaamay in dhinacyada ka qeyb galaya shirka ay ka filayaan iney soo saaraan talooyin muhiim ah oo sharcigan kaabaya.

Mudane Cabdullaahi Maxamed Rooble wasiirka Gaadiidka Cirka iyo Dhulka ee dowlad-goboleedka Hirshabelle ayaa xusay in dib u eegis lagu sameeyo sharciga Socdaalka ay door wanaagsan ka qaadaneyso in lala jaanqaado dunida inteeda kale.

Hay’adda Socdaalka iyo Jinsiyadda Soomaaliya ayaa wadatashiyada ku saabsan dib u eegista Sharciga Socdaalka horey ula soo sameysay bulshada dowlad-goboleedyada Galmudug, K/Galbeed iyo Jubbaland, iyadoo qorsheeneysa in lala sameyo maamulada wali aan la gaarin.

Share post:

Ugu Akhris badan

Kuwo kale
Kuwo kale

Maamulka Gobolka Banaadir oo ka shiray amniga, bilicda iyo adeegyada bulshada

Guddoomiyaha Maamulka Gobolka Banaadir, ahna Duqa Muqdisho, Dr. Xasan...

Ra’iisul Wasaaraha XFS oo magacaabay Xoghayaha Guud ee Guddiga Qaran Tacliinta sare

Ra’iisul Wasaaraha Xukuumadda Jamhuuriyadda Federaalka Soomaaliya, mudane Xamza Cabdi...

Illaa kun ruux oo ku dhintay dhul go’ ay sababeen roobab ka da’ay Sudan

Ugu yaraan 1,000 qof ayaa ku dhintay buuraha fog...

Guddoomiyaha SoDMA oo kulan la qaatay Wakiilka Wasaaradda Arrimaha Dibadda ee Dowladda Norway u fadhiya Soomaaliya

Guddoomiyaha Hay’adda Maareynta Musiibooyinka Qaranka (SoDMA), Mudane Maxamuud Macallin...