Sii hayaha wasiirka wasaaradda gargaarka iyo arrimaha Baniโaaddanimada ee xukuumadda Federaalka Soomaaliya ayaa soo dhaweeyay wafdiga ka socday heyโadda gargaarka boqor Salmaan ee dalka Sucuudiga.
Madaxa wafdigaย ka socda heyโadda Boqor Salmaan ee dalka Sucuudiga Maxamed Deyman oo isaga iyo wasiirka gargaarka iyo arrimaha baniโaaddanimada xukuumadda F. Soomaaliyaย ay saxaafadda kula hadleen garoonka Aadanย Cadde ayaa sheegay in u jeeddada ay dalka u yimaadeen ay tahay sidii ay gacan uga geysan lahaayeen arrinaha baniโaaddanimada,ย gaar ahaan afurinta dadka danyarta ah maddaama ay soo dhawdahay bilashada bisha fadliga iyo kheyrka badan ee Ramadan.
Ku simaha wasiirka wasaaraddaย gargaarka iyo arrimaha Baniโaaddanimada xukuumadda F. Soomaaliya ahna wasiir ku xigeenka wasaaradaasi Cilmi Cumar Ceysane oo isaguna halkaasi ka hadlay ayaa sheegay in wafdigan ka socda dalka Sucuudiga ay dalka u yimaadeen sidii ay wasaaradda gargaarka iyo arrimaha baniโaaddanimada ugala shaqeynlahaayeen howlaha lagu caawinayo ummadda Soomaaliyeed.
Imaatinka wafdigan ka socda heyโadda gargaarka boqor Salmaan ee dalka Sucuudiga ayaa ku soo beegmaya xilli ay socdaan howlo loogu gurmanayo dadka ku barakacay fatahaadda wabiyada ee ku kala nool deegaanno ka mid ah gobollada Hiiraaniyo Gedo, iyadoo waliba ay maalmo yar ka dhimantahay bilashada bisha barakeysan ee Ramadanka
