Muqdisho (SNTV)ย Shirkan oo looga hadlayay ka hortaga Jarista dhirta iyo Dhoofinta Dhuxusha ayaa waxaa ka qeybgalay Hayโadaha Qaramada Midoobay, Dowladaha taageera Soomaaliya, dowlad Goboleedyada iyo Masโuuliyii ka tirsan dowladda Federaalka Soomaaliya.
Raโiisul Wasaare Ku-xigeenka dalka Mahdi Maxamed Guuleed Khadar oo shirka ka hadlay ayaa sheegay in jarista dhirta ay waxyeelo baโan ugeysatay gayiga Soomaaliya iyo in dhuxusha dalka laga dhoofiyo ee shan laab ka badan tahay tan dalka gudihiisa lagu isticmaalo.
โWaxay dhibaato weyn ku keeneyaa Xoolihii dhirta hadaynan jirin deegaanka qurux ma yeelanayo, dhirta hadaynan roob la heli maayo abaarihii waa weynaa ee dalka ku dhuftay ayaa soo laalabanaya marka waa inaan raadinaa habab kale oo isticmaalka gudaha ee tamarta loogaga maarmi karoโayuu yiri Raโiisul wasaare kuxigeenka dalka.
Sidoo kale waxa uu sheegay Raโiisul Wasaare ku xigeenku in ay isku dayayaan in la sameeyo sidii ay u meelmarin lahaayeen sharci mamnuucaya jarista dhirta.
Peter de Clercq. oo ah ku-xigeenka Wakiilka Qaramada Midoobay ee Soomaaliya ayaa sheegay in Qaramada Midoobay iyo dowladda Soomaaliya ay iska kaashaan doonaan qaabkii loo heli lahaa ilo kale oo lagu daboolo isticmaalka dhuxusha.
Dhanka kale waxaa shirka laga sheegay in dhuxusha laga dhoofiyo dalka ay dhaqaalo badan ku qabaan kooxaha argagixisada.
Shirkan ayaa waxaa lagu wadaa in labo maalmood uu ka socdo magaalada Muqdisho, iyada oo la filayo gaba gabadii in laga soo saaro qodobo muhiim u ah joojinta xaalufka lagu hayo deegaanka.
