Muqdisho (SNTV)-Dowladda Soomaaliya iyo maamulka Galmudug ayaa Magaalada Dhuusamareeb ka furay xarun dhaqan celinta malaashiyaadka ka yimid fikirka qaloocan ee kooxda Al-shabaab.
Madaxa Xukuumadda Galmudug Shiikh Maxamed Shaakir Cali Xasan iyo Agaasimaha Waaxda Dhaqan celinta Maleeshiyaadka u qaabilsan Xukuumadda Federaalka Soomaaliya ayaa si wada jir ah u daah furay Xaruntan.
Madaxa Xukuumadda Galmudug Shiikh Maxamed Shaakir Cali Xasan ayaa sheegay xaruntaan ay muhiim u tahay Galmudug, islamarkaana ay kordheen dhalinyarada isaga soo baxay malesshiyada Al-Shabaab
Waxaa uu sheegay in aanan horay u jirin Xarumo lagu hayo Dhalinyarada isaga tagta Al-Shabaab ee ka soo jeeda deeganada Maamulkaasi.
Dowladda Soomaaliya iyo kuwa dowlad gobaleedyada ayaa horey Muqdisho Baydhabo Kismo’ uga hir geliyaya xarumo lagu dhaqan celiyo malaashiyada Al-shabaab, waxaana isa soo taray wili dhalinyarada isaga soo laabaneysa kooxda Al-shabaab kadib cafis dhowr jeer ah uu Madaxweyne Maxammed Cabdullaahi Maxammed Farmaajo u sameeyay dhalinyara la qalday ee ka tirsan Maleeshiyada Al-shabaab.
