Taliyaha Ciidanka Booliska oo kormeeray Xarunta Dambi baarista ee C.I.D oo dib u dayactir uu ka socdo.

Date:

Muqdisho (Sntv), Taliyaha Ciidanka Booliska Soomaaliyeed, Sarreeye guuto Bashiir Cabdi Maxamed Ameeriko oo ay wehliyeen  qaar kamid ah Sarreeyeyaasha iyo Saraakiisha Ciidanka  Booliska, ayaa maanta kormeer shaqo ku tagey Xarunta dambi baarista CID oo ay ka socoto howlo dib u dayactir ah oo  lagu sameynayo xaruntaasi.

Taliyaha, ayaa mid mid u soo indha indheeyey qeybaha kala duwan ee dhismaha iyo dib u dayactirka lagu sameynayo, waxaana warbixin kooban oo ku saabsan sida ay u socoto Shaqada  Laanta Dambi baarista Booliska siiyey Taliyaha Xaruntaasi.

Taliyaha Ciidanka Booliska Soomaaliyeed, Sarreeye guuto Bashiir Cabdi Maxamed Ameeriko, ayaa sheegay in Qarasha ku baxaya dib u dayactirka lagu sameynayo Xaruntaan uu bixinayo Taliska Ciidanka Booliska, islamarkaana aysan aheyn kaalmo ka timid dad kale, isaggoo xusay in Taliska uu sameeyey qorshe lagu dhisayo dhammaan xarumihii Ciidanka Booliska ee ku burburay dagaaladii kala duwanaa ee dalka ka dhacay.

Qorshaha lagu dhisayo Xarunta Laanta dambi baarista Ciidanka Booliska Soomaaliyeed ee CID, ayaa waxa uu qeyb ka yahay qorshaha Taliska Ciidanka Booliska uu dejiey ee ku aadan dhib u dhiska Xarumihii Ciidanka, waxaana sidan oo kale dib u dayactir  lagu wadaa Xarunta Taliska Qeybta booliska G/banaadir, Xarunta Isgaarsiinta Ciidanka ee OTO OTO iyo Xarumo kale.

 

Share post:

Ugu Akhris badan

Kuwo kale
Kuwo kale

Duqa Caasimadda oo kulan la qaatay Madaxda Rugta Ganacsiga

Guddoomiyaha Gobolka Banaadir ahna Duqa Magaalada Muqdisho Dr. Xasan...

Golaha Wasiirrada oo ansixiyey Guddiga Tacliinta Sare ee Qaranka

Golaha Wasiirrada Xukuumadda Jamhuuriyadda Federaalka Soomaaliya, oo maanta yeeshay...

Xafiiska Hantidhowrka Guud ee JFS iyo Maxkamadda Xisaabta ee Turkiga oo saxiixday heshiis is-afgarad ah

Xafiiska Hantidhowrka Guud ee Jamhuuriyadda Federaalka Soomaaliya iyo dhiggiisa...

Dowladaha Soomaaliya iyo Sacuudi Carabiya oo yeeshay kulan lagu xoojinayo iskaashiga dhijitaalka ah

Wasiirka Wasaaradda Isgaarsiinta iyo Tiknoolajiyada Xukuumadda Federaalka Soomaaliya, Xildhibaan...