Madaxweyne Xaaf oo casuumay qaar ka mid ah Dhallinyaradii laga soo daayay Xabsiyada Caalamka

Date:

Waxaa Maanta xaflad soo dhawayn ah loogu sameeyay Magaalada Dhuusamareeb ee xarunta Maamul Goboleedka Galmudug Konton ka mid ah Dhallinyaradii dhawaan laga soo daayay xabsiyada Dalka Hindiya

Xafladdan oo ka dhacday Aqalka Madaxtooyada maamulkaasi ayaa waxaa ka hadlay C/naasir Cabdulle Aadan, oo ka mid ahaa Dhallinyaradii lasoo daayay, wuxuuna ka sheekeeyay dhibaatooyinkii ay ku mutaysteen Xabsiga, wuxuuna xusay inay Dawladnimadu tahay wax qiimo wayn ku fadhiya, isagoo sheegay in muwaaddinka markii ay dhibaato soo gaadho cidda keliya ee wax u qaban karta inay tahay Dowladdiisa.

Xildhibaan Salaad Ceynte ayaa waxa uu sheegay inay Maanta xor yihiin, soo deyntoodana lagu bixiyay  waqti iyo Dadaal Xoogan, sidaa darteedna loo baahan yahay inay barbar istaagaan Dowladnimada iyo jiritaanka Qaranka Soomaaliyeed.

Wasiirka Wasaaradda Maaliyadda ee Dowlad Goboleedka Galmudug, Siciid Siyaad Shirwac ayaa Dhallinyaradan loo daayay xusuusiyay in laga rabo inay ilaashadaan Maamulka kana hortagaan wixii caqabado ku ah.

Madaxweynaha Maamulka Galmudug Axmed Ducaale Geelle “Xaaf”ayaa waxa uu ballan qaaday in loo abuuri doono Dhallinyaradan fursado shaqo, loona baahan yahay inay is uruursadaan si ay u noqdaan Dad wax qabsada oo Dalkooda iyo Naftooda wax u tara.

Dowladda Federaalka Soomaaliya ayaa dedaallo xooggan u gashay sidii Dalkooda Hooyo loogu soo celin lahaa Maxaabiista ku jirta qaar ka mid ah Xabsiyada Waddamada Caalamka, kuwaasoo u xirnaa Burcad badeednimo iyo Tahriib.

Share post:

Ugu Akhris badan

Kuwo kale
Kuwo kale

Wasiir Kuxigeenka Arrimaha Gudaha oo khudbad ka jeediyay kulanka guud ee odeyaasha dhaqanka

Wasiir Kuxigeenka Wasaarada Arrimaha Gudaha, Federaalka iyo Dib u...

Wasaaradda Arrimaha Gudaha oo qabatay kulan ku saabsan Wacyigelinta iyo Abaabulka Shacabka ee dagaalka Khawaarijta

Wasaaradda Arrimaha Gudaha, Federaalka iyo Dib u heshiisiinta XFS...

Wafdi ka socda Wasaaradda Ganacsiga oo ka qeyb galay Shirweynaha 11-aad ee Shiinaha iyo Wadamada Carabta

Wasiir Ku-xigeenka Wasaaradda Ganacsiga iyo Warshadaha ee Jamhuuriyadda Federaalka...

Wasiirka Maaliyadda XFS oo Bankiga Adduunka ku wareejiyay Astaan dhaqan

Wasiirka Maaliyadda Xukuumadda Federaalka Soomaaliya, Mudane Biixi Iimaan Cige,...