S/guud Bashiir Maxmmed Jaamac “Keynaan” Taliyaha Ciidanka Asluubta Soomaaliyeed, S/guuto Liibaan Cali Yarow gudoomiyaha Maxkamadda Ciidamada Qalabka Sida iyo G/sare Xasan Cali Nuur Shuute gudoomiyaha Maxkamadda D. 1-aad ee Ciidamada Qalabka Sida ayaa si wada jir ah u kormeeray qeybaha cusub ee lagu kordhinayo dhismaha Taliska Ciidanka Asluubta Soomaaliyeed ee Ex Control Afgo’e.
Saraakiishan ayaa su’aalo weydiiyay Injineerada dhisaya qeybaha cusub ee lagu kordhinayo Xarunta taliska iyadoo sidoo kale dhismooyinka qaarkood loogu tala galey in eey ku shaqeeyaan Maxkamadaha dalka, sida eey sharaxeen Injineerada dhisaya qeybahan cusub ee lagu kordhinayo dhismaha Taliska Ciidanka Asluubta Soomaaliyeed.
Masuuliyiintan ayaa intii eey ku jireen kormeerkooda waxa eey booqdeen dhammaan qeybaha cusub ee la dhisayo iyagoo ka dhageystay warbixinno khubarada ka shaqeynaya dhismooyinkaas.
S/guud Bashiir Maxmmed Jaamac “Keynaan” Taliyaha Ciidanka Asluubta Soomaaliyeed, ayaa sidoo kale saraakiisha taliska weydiiyay in eey soo tira koobaan reeraha degan xarunta taliska si taliska Ciidanka Asluubta Soomaaliyeed oo u dejiyo meela kale oo ku haboon.
S/guuto Liibaan Cali Yarow gudoomiyaha Maxkamadda Ciidamada Qalabka Sida iyo G/sare Xasan Cali Nuur Shuute gudoomiyaha Maxkamadda D. 1-aad ee Ciidamada Qalabka Sida ayaa si wada jir ah ugu ammaanay taliska Ciidanka Asluubta Soomaaliyeed horumarka xagga qurxinta dhismaha taliska eey ka gaareen, gaar ahaan taliyaha Ciidama Asluubta Soomaaliyeed oo xil weyn iska saaray dhaqaajinta himilooyin kaasi hir-gelintooda wili eey socoto, waxa eeyna sidoo kale sheegeen iyagoo ka wakiil ah Maxkamadaha kale ee dalka In eey soo dhaweynayaan xafiisyada quruxda badan ee taliska Ciidamada Asluubta Soomaaliyeed ugu tala galeen si eey u gutaan waajibaadka kaga aadan dalka.
Taliska Ciidanka Asluubta Soomaaliyeed waxaa hadda ka socdo dhismooyin casri ah oo eey ku howlan-yihiin khubar isugu jiro Soomaali iyo ajaanib kale, waxaana hadda uu u muuqda in uu tar-tamayo mid kamid ah goobaha ugu quruxda badan ee Magaalada Muqdisho.
