Raโiisal Wasaare ku-xigeenka Soomaaliya Md Mahdi Mohamed Gulleed iyo wafdigiisa oo ku sugnaa Dalka Hindiya ayaa Kulan gaar ah la yeeshay Raโiisal Wasaaraha Dalkaasi Hindiya Narendra Modi.
Kulanka oo ka dhacay xafiiska Raiisal Wasaaraha India Narendra Modi ayaa masโuuliyiintan waxay ka wada hadleen xoojinta xiriirka labada dal ee Soomaaliya iyo Hindiya iyo in Hindiya dal ku galkeeda u fududayso dadka Soomaaliyeed ee u soo safra Dalkeeda.
Raโiisul Wasaare ku-xigeenka Soomaaliya Mahdi Maxamed Guuleed ayaa Raโiisul Wasaaraha Hindiya gaarsiiyayย salaan uu uga sido Madaxweynaha Jamhuuriyadda Federaalka Soomaaliya Md Mohamed Cabdullaahi Farmaajo iyo Raโiisul wasaare Khayre.
Mudane Mahdi Maxamed Guuleed ayaa ka sheekeeyay taariikhda dhinaca dhaqanka ee Hindiya iyo Soomaaliya,isagoo ka dalbaday in Xukuumadda New Delhi ay Soomaaliya kala shaqayso taageeridda iyo sidii loo caawin lahaa dadka hayaanka dheer usoo gala badigoobka Waxbarasho iyo mid Caafimaadba,loona sahlo in ay si fudud u helaan dal ku galka India.
โโWaxaan la kulanay Raโiisul wasaaraha Dalka Hindiya Narendra Modi, runtii kulankaasi oo aad muhiim u ahaa waxaanu kaga wada hadalay siddii labbada dal Soomaaliya iyo Hindiya isaga kaashan lahaayeen dhinacyada arrimaha bulshada khaasatan Caafimaadka iyo waxbarashadda; Shacabka Soomaaliyeedna loogu fududayn lahaa dal ku galka Hindiyaโayuu yiri mudane Mahadi Maxamed Guuleed R/wasaare ku-xigeenka Dalkaโโ.ayuu yiri Mahdi Guuleed.
Raโiisul wasaare Modi, ayaa balan qaaday in Hindiya ay Soomaaliya si dhow ugala shaqaynayso xiriirka iskaashi ee arrimaha Bulshada iyo kuwa dibloomaasiyadeed, wuxuna tilmaamay in kulankani albaab cusub u furayo xiriir dhow oo dhex mara labada dal.
Wafdiga Raโiisal wasaare ku-xigeenka Soomaaliya oo weli ku sugan Hindiya ayaa ka qayb galay Shirka Caalamiga ahaa ee ka faaโidaysiga khayraad dabiiciga ah ee Tamarta,kaasi oo ay si wada jir ah u soo qaban qaabiyeen Dowladaha India iyo Faransiiska.
Safarkan shaqo ee Hindiya oo qaadanaya mudo 4 cisho ah waxa Raโiisal wasaaraha kuxigeenka ku wehelinaya Wasiirka Tamarta iyo kheyraadka biyaha Pro. Saalim Caliyow Ibrow,Wasiiru dowlaha Arrimaha Dibadda iyo iskaashiga Caalamiga ah Abdulqadir Axmed Khayr, Agaasimaha Wasaaradda Arrimaha Dibadda ee Waaxda Asiya Shirwac Abdulaahi iyo Xildhibaan Biixi Iimaan oo ka tirsan mudanayaasha Golaha Shacabka.

