Kulankani oo muhiimdiisu aheyd sidii loo xoojin lahaayay hormarinta waxbarashada Gobolka Benaadir iyo in dib loo soo nooleeyo xarumahii waxbarashada ee Dowlada si markale ay bulshada Soomaaliyed u hesho waxbarasho lacag la’aan ah islamarkaana ay uga faa’ideystaan dadka danta yare e aan awoodin iney iska bixiyaan qarashka waxbarashada si loo dhiso aqoon tooda iyo mustaq balkooda waxaa sidoo kale looga hadlay kor u qaadista tayada Dugsiyada lagu barto Qur’aanka Kariimka,
Wasiirka wasaarada Waxbarashada ee Xukuumada Soomaaliya iyo Gudoomiyaha Gobolka Benaadir ahna Duqa magaalada Muqdisho ayaa sidoo kale kawada hadalay in la balaariyo waxbarashada Dugsiga Hoose dhaxe iyo Sare ee 15-may oo xiligaan ay si lacag la’aan ah ay wax ugu bartaan arday Soomaaliyed
Gudoomiyaha Gobolka Benaadir ahna Duqa magaalada Muqdisho Mudane Cabdiraxmaan Cumar Cusmaan ( Eng: Yarisow) oo warbaahinta qaranka la hadlay ayaa tilmaamay in waxbarshadu ay tahay mustaqbalka aas aaska bulshada,
Wasiirka wasaarada Waxbarashada ee Xukuumada Soomaaliya Cabdiraxmaan Daahir Cismaan wax uu sharxay qodobada ay kawada hadleyn maamulka Gobolka Benaadir.
