Raโiisul Wasaaraha Xukuumadda Faderaalka Soomaaliyaย Mudane Xasan Cali Khayreย ayaa ka qayb galayย kulanka Bangiga Adduunka ee ka furmay magaalada Washington D.C ee dalka Maraykanka, loona yaqaano (Fragility Forum 2018) . Waxuunaย ku baaqayย in la heloย hab cusub oo xoojinaya xal u helida, dhibaatooyinka baniโaadanimaddaย ee ka yimaada musiibooyinkaย ka dhasha saamaynta falalkaย dadka iyo kuwa dabiiciga ah.
Raโiisul wasaaraha Soomaaliya Xasan Cali Kheere oo ka hadlay goloha ayaa sheegay in dariiqooyinkii hore ee wax looga qaban jiray dhibaatooyinku ay dadka badbaadin jireen xilli gaaban, laakiin ay waayo-aragnimadu ina tustay in aanan keenin xal waaara oo joojin kara masiibooyinka imaan kara mustaqbalka.
Raโiisul Wasaare Khayre isagoo ugu baaqaya Beesha Caalamka in ay diirada saaraan horumarinta iyo xal u helida dhibaatooyinka baniโaadanimo ayuu yiri
โWaayo aragnimadeenaย ย waxay si cad u muujineysaa baahida loo qabo in la isku xiro lana horumariyo nabadda, iyo amniga,โ.
โWaxaynu ka baranay dhibaatooyinkaasi sida loogaย jawaaboย oo kaliya, marka ay musiibo dhacdo, taasina waxay keentaa in dad badan ay ku dhintaaan, arintani waxay ka hor imaanaysaa xeerarka biniโaadanimadda. Hab dhaqankani waxaa uu na galiyay qasaarooyin fara badan oo naf iyo maalba leh marka la eego nolosha dadka iyo ilaha loo adeegsaday.
Waxuu kaloo sheegay in Soomaaliya ay raadinayso hab ay ku maalgeliso barnaamijyada horumarinta mustaqbalka dheer iyo siyaabaha cusub ee loogu shaqeynayo, isagoo hoosta ka xariiqaya baahida loo qabo in la heloย isbedel deg-deg ah oo ku wajahan xal waara oo rasmi ah.
Sidoo kale waxuuย ugu baaqay saaxiibada Soomaaliya in ay is waafajiyaan taageeradooda qorshaha cusubย ee ku wajahan nabadda, xasillooniddaย iyo barwaaqaynta Soomaaliya, isla markaana ayย ka fogaadaanย ย habkii hore loogu dhaqmi jiray.
Madashani waxay 2018 kulmisay dadka iska leh ka goโaan qaadashada arrimaha biniโaadanimada, horumarinta, iyo nabadgelyada bulshooyinka caalamka, si loo wadaago xal wax ku ool ah lana sahmiyo siyaabo cusub oo lagu wanaajiyo hababka horumarinta si loo dhiiri-galiyo nabadda iyo xasilloonida.
