Magaalada Baydhabo oo xaalad biyo yari ah ay ka jirto

Date:

Magaalada Baydhabo oo sanadihii dambe ay aad u kordhayeen dadka ku
nool ayaa hadda wajahaysa xaalad biyo yari ah oo bulshada saamaysay.
40-Ceel biyood oo magaaladu lahayd ayaa ku dhawaad 30-ka mid ah gureen
xilliyo kala duwan, iyadoo loo sababaynayo abaarihii dhacay iyo Isha
Baydhabo oo si qalad ah loo dhistay, kadibna aasantay.

Dadka ayaa hadda isku cariirinaya ilaa 10-Ceel oo ay maamusho
shirkadda Warjanaay oo iyaguna biyo yareeyey, waxaana Fuustada biyaha
ah ayaa hadda maraysa 40-kun oo shilin Soomaali ah, taas oo ay safaf
dhaareer ugu jiraan gaari dameerada oo xaafadaha u qaybinaya.

Ceelka Goray waxa uu xilliyadii hore soo saari jiray 75-kun oo Mitir
Kiyub maalintii, balse hadda 35-kun kaliya ayaa laga helaa, taas oo
muujinaysa heerka biyo yarida magaalada Baydhabo, waxaana dadka
qaarkii isticmaalayaan biyo aan nadiif ahayn taas oo cuduro ka dhalan
karaan sida uu sheegay Dr Mangiste.

Dadka magaalada Baydhabo muddo dheer walwal kama qabin inay biyo
la’aani ku dhacdo, balse waxaa muuqata inay timid xaalad aan la sii
saadaalin.

C/kariin Sheekh isxaaq waxa uu ka mid yahay dadkii magaaladan ku
koray, balse 30-sano moogaa,waxa uu sheegay in Isha Baydhabo ay ahaan jirtay durdur aan go’in, balse dayaca dadku ku samweeyey ay sababtay inay gurto.

 

Share post:

Ugu Akhris badan

Kuwo kale
Kuwo kale

Madaxweyne Xasan Sheekh oo qaabilay guddoomiyaha xiriirka kubadda cagta Jabuuti

Madaxweynaha Jamhuuriyadda Federaalka Soomaaliya Mudane Dr.Xasan Sheekh Maxamuud ayaa...

Danjiraha Soomaaliya ee Uganda oo la kulantay agaasimaha hay’adda socdaalka dalkaas

Safiirka Soomaaliya ee Uganda, Amb. Fardowsa Maxamed Qanyare, ayaa...

Guddoomiyaha SoDMA oo daah-furay Shirka Madasha Arrimaha Bani’aadannimada Soomaaliya

Guddoomiyaha Hay’adda Maareynta Musiibooyinka (SoDMA), Maxamuud Macallin Cabdulle, ayaa...

Xeer Ilaaliyaha Guud ee Qaranka oo kulan la qaatay Saraakiil ka socotay Hay’adda GIST

Xeer Ilaaliyaha Guud ee Qaranka Dr Sulayman Maxamed Maxamuud...