Kulankan oo lagu qabtay xarunta Akadeemiyada cilmiga Fanka iyo Suugaanta waxaa ka qeybgalay R/wasaare ku xigeenka dalka, wasiirka Shaqada iyo arrimaha bulshada,gudoomiyaha gudiga Qaran ee Shaqaalaha rayidka, agaasimayaal, madax waaxeedyo iyo masโuuliyiin ka socotay heyโadaha dowladda.
Gudoomiyaha Akadeemiyada Cilmiga Fanka iyo Suugaanta oo kulankaasi ka hadlay ayaa codsaday in xafiisyada dowladda laga dhaqangeliyo afka Soomaaliga, isagoo tilmaamay in akadeemiyadu ay gogol u tahay hayโadaha dowladda.
Gudoomiyaha gudiga Qaran ee shaqaalaha rayidka ah Xasan Abshiroow ayaa tilmaamay in dib u habeyn lagu sameeyay 10 heyโadood, ย isagoo xusay in haddana la qorsheynayo in dib u habeyn lagu sameeyo heyโadaha kale ee dowladda si loo tayeeyo shaqada ay u hayaan bulshada.
Wasiirka shaqada iyo arrimaha bulshada ayaa sheegay in ujeeddada kulankan ay tahay tayeeynta hab maamulka heyโadaha dowladda.
R/wasaare ku xigeenka dalka Mahdi Maxamed Guuleed โQadarโ oo si rasmi ah u furay kulankaasi ayaa tilmaamay in xukuumaddu ay mudnaanta siineyso dib u habeynta heyโadaha, isagoo tibaaxay in sanadkan uu yahay sanadkii waxqabadka iyo fulinta.
Kulankan uu maanta furay R/wasaare ku xigeenka ayaa ah wajiga labaad qorshe ay dowladdu dib u habeyneyso qaab dhismeedka heyโadaha dowladda, Iyadoo xukuumaddu ku guuleysatay dhib u dhiska toban ka mid ah heyโadaha dowladda.
