Aqoon kororsi iyo cilmi baaris la xiriirta Bad iyo Bariga ayaa shalay lagu soo gabo gabeeyay Magaalada Qaahira ee xarunta dalka Masar.
Aqoon kororsigan oo socday muddo dhowr iyo toban cisho ah ayaa waxaa ka qeyb galay khuburo ka kala socday 30 wadan oo Qaarada Afrika ku yaala, waxaana dhanka Soomaaliya uga qeyb galay la taliyaha dhanka Dalxiiska ee Wasaaradda Warfaafinta Yaasir Maxamed Baafo, oo madasha la isku dhaafsanayay aqoon kororsiga kheyraadka dalxiiska ka jeediyay warbixin dheer oo uu uga hadlayay in Soomaaliya ay tahay dal leh goobo badan oo dalxiis ah, isla markaana ay dowladda Soomaaliya ka go’an tahay iney soo nooleyso dalxiiska.
Aqoon isweydaarsiga ku aadan wadamada Afrika ee Kheyraadka dabiiciga dalxiiska ayaa waxa soo qaban qaabiyay iskana kaashaday Wasaaradaha dalxiiska iyo arrimha dibadda ee Masar.
“Socdaalkeenna waxu ahaa socdaal ay iska kaashanayeen dowladda soomaaliya gaar ahaan wasaaradda dhaqanka iyo dalxiiska iyo dowladda masar taaso loo bandhigay wadamo badano Africa iney kaso qeyb galaan soomaaliya wadamadii ajiibay ayey ku jirtay kadibna laga codsaday dad khuburo ah iney soo diraan maadama wuxu cilmi baaris uu yahay sidaas ayana ku imid anoo matalaya guud ahan dowladda gaar ahaan wasaaradda, waxan kamid ahaa ahayn dad gaaraya ila 30 dal oo afrikaan ah kuwooda ugu waaweyn ee arrimaha dalxiiska ugu hormarsan, soomaaliya xubin ayey ka ahyd oo shirkaas cilmi barista ah kaso qeyb galay iyo cilmi baaristaas waxa uuna socday 14 cisho”
Sidoo kalle mudane Yasir Baffo ayaa ka warbixiyay halka ay gaarsiisan tahay dadaalka ay ugu jiraan ka wasaarad ahaan in caalamka ay ku baraarujiyaan Soomaaliya in ay tahay Wadan Dalxiis.
“Waxan kaso qeyb galnay shir ka dhacay Malaysia hadana midkaan ayan joogna waxaas oo dhan markii la isku soo duubo waxay cadeyneysa dadaalka aan ugu jirno in caalamka aan tusno dalxiiska soomaliya, si guud soomaaliya aya aduunka u sahlayso iney diyaar u tahay in indhihii aduunka aan dib uso celino oo manta waxa ka dhaca soomaaliya aan kala simanahay aduunka intiisa kalle”. Ayuu yiri Mr Baafo.
Soomaaliya oo isbedel dhinacyo badan sameysay sanadihii ugu dambeeyay ayaa u suurto gashay dhawaan in ay xubin buuxdo ka noqoto hay’adda Dalxiiska Adduunka ee Qaramada Midoobay.
