Imisa mashruuc ayuu dhagax dhigay madaxweyne Farmaaji 17-kii maalmood uu safarka ahaa..

Madaxweynaha Dowladda Federaalka Soomaaliya Mudane Maxamed C/llaahi Farmaajo oo shalay Saxaafadda kula hadlay xafiiskiisa ayaa ka warbixiyey socdaalkii Nabadda iyo dib u heshiisiinta, isagoona sheegay in si dhow uu ula soconayo dhammeystirka fulinta mashaariicda uu dhagax dhigay.

Sidoo kale,Madaxweynaha Jamhuuriyadda Federaalka Soomaaliya Mudane Maxamed C/llaahi Maxamed Farmaajo ayaa sheegay in dhawaan uu magacaabayo guddi ka shaqeeya, dabagalka fulinta mashaariicda horumarineed ee uu ka dhagax dhigay deegaannadii uu socdaalka kusoo maray.

Madaxweyne Farmaajo ayaa sheegay in Guddigaan uu magacaabayo ujeedkooda tahay sidii dabagal ay ugu sameyn lahaayeen mashaariicdii uu soo ballan qaadey, si  loo la socdo dhaqan galkooda,wuxuuna dhanka kale madaxweynaha uu sheegay in aay Dowladda ka go’an tahay in aay kaalinteeda ka qaadato.”

Hadaba Halkaan Hoose waxaana idin kugu soo gudbineynaamashaariidii uu dhagax dhigay madaxweyne Farmaajo

1. Wado Laami isku xirta Garoowe & Eyl (222km)
2. Wado Laami isku xirta Kala Bayr & Caluula(376km)
3. Wado Laami isku xirta Galkacyo & Hobyo (264km)
4. Wado Laami isku xirta Hobyo & Caabudwaaq (355km)
5. Dayactirka laamiga isku xira Dhuusamreeb & Gaalkacyo (235km)
6. Xarunta Nabadeynta iyo Dib u Heshiisiinta-Gaalkacyo-Galmudug
7. Xabsiga dhexe ee Galmudug – Galkacyo
8. Xarunta xanaaneynta agoonta Ahlusuna – Dhuusamareeb
9. Dugsiga Farsamada Gacanta – dhuusamareeb
10. Dhismaha Garoonka diyaaradaha Dhuusamareeb
11. Dhismaha xabsiga magaalada Dhuusamareeb 12. Dhismaha Jaamacadda Umadda Gaalkacyo
12. Dhismaha Jaamacadda Umadda Cadaado
13. Dhismaha Jaamacadda Umadda Dhuusamareeb
14. Dhismaha Jaamacadda Umadda Caabudwaaq
15. Dhismaha Xabsiga Caabudwaaq
16. Garoonka diyaaradaha Cadaado
17. Dhismaha Dekedda Hobyo