Howlgal Ciidamada amniga Soomaaliya ay ka sameeyeen degmada Kaaraan ee gobolkan Banaadir ayaa waxa ay gacanta ku dhigeen goob lagu Karin jiray wax yaabaha maanka dooriya iyo Saddex ka mid ah dadkii karinayay iyo kuwii ka ganacsanayay wax yaabahaas maanka dooriya.
Gudoomiyaha degmada Kaaraan ee gobolka Banaadir Cabdi Fitaax Xaaji Nuur ayaa bartiisa Facebooka ku shaaciyay muqaalo iyo sawirro muujinayo howlgal ay sameeyeen ciidamada amniga oo waaxda Nageyle ka sameynayo howlgalo lagu soo afjarayo goob lagu diyaarin jiray wax yaabaha maanka dooriya sida calaqa.
waxa uu soo bandhigay Digsiyadii iyo Caagagii Calaqa lagu sameynayay iyo dhammaan agabkii ay isticmaalayeen ragga ku howlanaa sameynta Calaqa kuwaas oo uu sheegay in ay qeyb ka ahaayeen kuwa dhibaatada ku hayay Shacabka degmada Kaaraan.
Howlgalka ayaa imaanayo xilli shalay banaanbax cabasho ah ay dhigeen Shacabka degmada Kaaraan, intaas kadib howlgal la sameeyay ayaa lagu soo qabtay 11 Nin oo sida la sheegay ka mid ahaa maleeshiyaad dhibaato ka waday Suuqa degmada Kaaraan.
