Wasiirka Qorsheynta Soomaaliya oo socdaal ku maraya Sanaag iyo Sool

Date:

Wafdi uu hoggaaminayo Wasiirka qorsheynta iyo xiriirka caalamiga ah ee xukuumadda Soomaaliya Mudane Jamaal Xasan ayaa maalmahan socdaal ku maraya deegaano ka tirsan Sool iyo Sanaag.

Wasiirka oo la hadlay Wakaalada SONNA ayaa sheegay in ay u kuur galayaan xaalada ay ku nool dadka ku sugan deegaano iyo Tuulooyin ka tirsan Sool iyo Sanaag, amniga iyo hormarka ka jira.

Mudane Jamaal Xasan ayaa sheegay in safarkooda ay ka bilaabeen Sool, iyagoo soo dhaweyn wanaagsan kala kulmay shacabka sidoo kalena soo dhageystay Warbixino ku saabsan dhinaca waxbarashada, Caafimaadka iyo Amniga, iyadoo ka dibna u sii gudban Gobalka Sanaag.

Wasiirka ayaa sheegay in xalay ay ku hoydeen Degamada Badhan halkaas oo ay kula kulmeen Maamulka, Odayaasha  iyo dadka deegaanka, waxayna soo kormeereen Mashaariicyo badan oo ka socda degmada.

Wasiir Jamaal ayaa dhinaca kale sheegay in maanta ay ku wajahan yihiin Magaalada Dhahar halkaas oo ay kula soo kulmi doonaan Maamulka iyo Bulshada qeybaheeda kala duwan, iyagoo safarkoodana soo gaba gabeynaya Maalinta Beri ah safarkooda qaatay Afarta Maalin.

Share post:

Ugu Akhris badan

Kuwo kale
Kuwo kale

Maxkamada Gobolka Banaadir oo xukuno kala duwan ka soo saartay Saraakiil ku Eedaysanaa Musuq maasuq

Maxakmadda gobolka Banaadir ayaa maanta ku dhawaaqday natiijada Xukunka...

Wasiirka arrimaha Guddaha oo Shir guddoomiyey kulanka Gudidda Qaban qaabada Maalmaha Xoriyadda

Wasiirka Arrimaha Gudaha, Federaalka iyo Dib u heshiisiinta mudane...

Maxkamadda gobolka Banaadir ayaa maanta ku dhawaaqi doonto go’aanka dacwad loo heysto masuuliyiin

Maxkamadda gobolka Banaadir ayaa maanta oo Sabti ah mudeysay...

Wasiiru Dolwaha Wasaaradda Biyaha XFS ayaa ka qayb galay madashii 10 ee biyaha oo lagu qabtay Indonesia

-Wasiiru Dolwaha Wasaaradda Tamarta iyo Kheeyraadka Biyaha XFS Maxamed...