Baydhabo (SONNA), Ciidamada Xoogga dalka Soomaaliyeed, ayaa howlgal amniga lagu Xaqiijinayoย ka Bilaabay ย Waddada isku xirta Degmadda Buurhakaba iyo Deegaanka Deeynuunaay, halkaasi oo ay ka baadi goobayaan firxadka Maleeshiyada kooxda Alshabaab ee laga itaalka roonaaday.
Ciidamada, ayaa howlgalka ka sameeyey Goobo ay Fariisan u aheyd Nabad diidka ย Al shabaab, kuna dhibaateen jiray dadka shacabka ah, islamarkaana uga qaadi jiray Lacago baad ah, intaas ayaana dheereed in dadka kuwooda waxgalka ay ku dilaan, si inta kale ee soo hartay loo cabsi galiyo, ย una waayaan qof ka dhiidhiya ficilada arxanka darran ee ay sameynayaan.
Guddoomiyaha Degmadda Buurhakaba ee gobolka Baay, Maxamed ibraahim Nuur, ย ayaa Wakaaladda Wararka Qaranka Soomaaliyeed ee SONNA uga ย warbixyey Howl galada ka socda Deegaanada Hoostaga Degmadda Buurhakaba, waxaana uu sheegay in ay dhexda u xirteen siddii ay ula dagaalami lahayeen kooxda Alshabaab, isagoo xusay in laga qabsaday goobo hor leh oo ay fariisin u aheyd.
