Iyadoo maamulka Catalonia uu ku dhawaaqey madax bannaani ayaa Mariano Rajoy Raii’sul wasaaraha Spain wuxuu kala diray baarlamaankii maamulkaasi.
Waxaa uu sidoo kale Raii’sul wasaaraha ku baaqay doorasho waqtigeeda laga soo hormariyay taasi oo u muuqata mid jawaab u ah go’aankii baarlamaanka maamulkaasi uu qaatay.
Tillaabadan ayaa ka dambeysay ka dib markii baarlamaanka maamulka Catalonia ay u codeeyeen madaxbanaanida gobolka Catalonia.
Rai’sul wasaaraha Spain Mariano Rajoy ayaa sidoo kale xilka ka qaaday oo shaqada ka cayriyay hogaamiyihii Catalonia Carles Puigdemont.
Waxaa sidoo kale shaqada laga cayriyay taliyihii booliiska gobolka Catalonia.
Dhibaatada gobolka Catalonia ayaa bilaabatay ka dib markii gobolkaasi ay ka dhacday afti ay ku tilmaamtay sharci daro maxkamada dastuuriga dalkaasi.
Hogaamiyayaasha maamulka Catalonia ayaa waxay sheegeen in boqolkiiba 90 ay u codeeyeen aftida madaxbanaanida.
