Muqdisho, 15 October 2017….Raโiisul Wasaaraha Xukuumadda Federaalka ah ee Soomaaliya Mudane Xasan Cali Khayre ayaa magacaabay guddi isagu jira Wasiiro , Maamulka Gobolka Banaadir, Culimaโudiin iyo Ururada Bulshada rayidka ah, kuwaas oo ka shaqeyn doona sidii gurmad deg deg ah loogu fidin lahaa dadkii ay dhibaatadu ka soo gaartay qaraxii Shalay ka dhacay magaalada Muqdisho.
Xubnaha Guddiga ayaa kala ah;
Maxamed Abuukar Islow (Ducale) Wasiirka Amniga (Guddoomiye)
Fowziya Abiikar Nuur Wasiirka Caafimaad (Xubin)
Deeqa Yaasiin Xaaji Yuusuf Wasiirka Haweenka & Xuquuqal Insaanka (Xubin)
Iimaan C/laahi Cali Wasiirka Diinta iyo Awqaafta (Xubin)
C/rixmaan Cumar Cismaan Wasiirka Warfaafinta, dhaqanka & Dalxiska
(Xubin)
Maxamuud Xayir Ibrahim Wasiiru dawlaha Maaliyadda (Xubin)
Maxamed Cali Xagaa Wasiiru dawlaha Gaashaandhigga (Xubin)
Mukhtar Mahad Daaโuud Wasiir K/X Arrimaha Dibedda (Xubin)
Ibraahim Isaaq Yarow W/K Xigeenka Boostada &Isgarsinta (Xubin)
Taabid Cabdi Maxโed G/miyaha G/ Banaadir Ahna Duqa Muqdisho (Xubin)
Maxamed Aden Koofi Agaasimaha Hayโadda Socdaalka &Jin (Xubin)
Sheekh Bashiir Axmed Salaad Dalladda Culimada Soomaaliyeed (Xubin)
Sheekh Cali Wajiis Dalladda Culimada Soomaaliyeed (Xubin)
Diini Maxamed Diini Bulshada rayidka (Xubin)
C/laahi Maxamed Jaamac Shirwac Bulshada rayidka (Xubin)
Cabdi Baaruud (Xog-hayn)
Guddigan ayaa bilaabey howlahooda isku dubaridka aaska qaranka, gurmadka dhaawacyada si dibedda loogu qaado kuwooda cul-culus iyo in bulshada lagala qeyb qaato baroordiiq qaran oo socon doonta muddo saddex maalin ah.
Raโiisul Wasaaraha ayaa ugu baaqay guud ahaan dadka Soomaaliyeed iyo xubnaha dawladdu inay ka qeyb galaan gurmadka loo fidinayo dadka ay dhibaatooyinku soo gaareen. Mudane Xasan Cali Khayre ayaa xusay dadka qaba dhaawac yada culus in loo qaadi doono caafimaad dibedda ah.
Raโiisul Wasaaraha ayaa dhinaca ku booqday Isbitaallada Muqdisho dhaawacyadii dadkii ay dhibaatadu ka soo gaartay falkii argagixiso ee 14kii October wuxuna ku caawiyey dhiig, isagoona dhinaca kale booqday goobtii uu qaraxu ka dhacay oo ka muuqday burbur baaxad weyn.
