Muqdisho (SONNA)ย ย Maxkamadeynta raggaan ku eedeysnaa ka Ganacsiga iyo isticmaalka waxyaabaha Maanka sida Xashiishka ayey Maxkamada Gobolka Banadir ku qaadey Xarunta C I D-da Muqdisho oo laguso xirey 30-kii bishii tagtey, kuwaasi oo laguso qabtay Howl-gal ciidamada Booliska Soomaaliyeed ay ka sameeyen Degmadda Dharkenley ee Gobolka Banaadir.
Guddoomiyaha Maxkamadda Gobolka Banaadirย Aweys shekh Cabdullaahi Wehliye, ayaa ugu horeyn dhageystay kiiska dacwada lagu soo eedeyey ragaan oo ka koobnaa Afarnin.
intaa kadib ayuu guda galey ku xiggeenka Xeer ilaaliyaha Guud ee Qarankaย Maxamed Xasan Nuur oo kiiskan gacanta ku hayey Fur furitaanka Dacwadaha laguso eedeyey ragaan, Marqaatiyada cadeymaha laga qorey iyo dhageysiga Qareenada u doodayey eedeysanayaasha.
Markii ayย dhamaatayย dhageysiga Maxkamadda ayaa waxaa warbaahinta xukunada lagu kala ridey afarta nin u akhriyey Guddoomiyaha Maxkamadda gobolka Banaadir Aweys shekh Cabdulaahi Wehliye, isagoo sheegay in lagu xukumayย Seddex kamid ahย afartii qof ee maxkamadda lasoo taagayย oo kala ah Daahir Maxamed Maxamuud, Maxamed Xasan Cali iyo Cali Faarax nuurย qofkiiba min Lix bilood oo dhaqan celin ah, halka Cawaale Faarax nuur maxkamaddu ay siideysay, kadib markii wax dambi ah lagu waayey.
sidoo kale Guddoomiyaha Maxkamadda Gobolka banaadirย Aweys shekh Cabdulaahi Wehliye, ayaa waxa uu ku baaqey in lasoo qabto rag kale oo kiiskaan ku lug lahaa oo aan wali gacanta laguso dhigin.
Ciidamada Booliska soomaaliyeed ayaa ugu danbeyn Banaanka hore eeย ย Dugsiga Janaraal kaahiye ku Gubey Maandooriyihii laguso qabtay raggaan maxkamadu xukuna kala duwan ku ridey oo ku jireyย Jawaano.
