37 qof oo qoxooti ah oo lagu dilay rabashado ka dhacay Dalka Congo

Date:

Muqdisho(SONNA) Ilaa 37 qof oo qoxooti ah ayaa lagu dilay 117 kalena waa lagu dhaawacay Dalka Jamhuuriyadda Dimoqraadiga ee Congo,xilli dadkasi sameynayeen banaan- baxyo ay kaga soo hor jeedeen in dalkaasi Congo laga musaafuriyay ilaa 4 qof oo kamid ah qoxootiga ka yimid dalka Burundi.

War ka so baxay Howlgalka Nabad ilaalinta Qaramada Midoobay ee MONUSCO ayaa lagu  sheegay in dadkaasi ay dilkoodi ka dambeeyeen Ciiddamada Amaanka ee dawladu,baaqna ay ka soo saaray rabshadahaasi oo sidoo kale uu ku dhintay askari katirsan ciidamada ammaanka.

Florence Marchal waa ku simaha Afhayeenka Howlgalka Nabad ilaalinta Qaramada midoobeay ee dalka Kongo, iyada oo ku sugan magalada Kinshasa ayaa waxay ugu baaqday ciddamada Ammaanka in ay xaalada xakameyaan.

Jimmy Nemeyimana waa qaxooti ku nool xero ku taala magaalada Kamanyola oo ah halka colaadu ay ka dhacday. Waxaa u sheegay in sarkaal ka tisan deegaankaasi  u booqday maalmo yar uun ka hor halkaas, waxaa uuna sheegay in xukkumadu ay ka war hayso waxaa halkaasi ka socday.

Boqolaal kun oo qaxooti reer Burundi ayaa dalkooda isaga qaxay kadib, markii colaad ay dalkaasi ka dhaqan gashay go’aankii madaxweyne Pierre Nkurunziza ku doonayay in uu xafiiska uu mar saddexaad u tartamo.

Share post:

Ugu Akhris badan

Kuwo kale
Kuwo kale

Wasiirka Qoyska oo kulan la qaadatay dhiggeeda dalka Qadar

Wasiirka Wasaaradda Qoyska iyo Hormarinta Xuquuqul Insaanka XFS ayaa...

Duqa Muqdisho oo la kulmay Danjiraha Midowga Yurub ee Soomaaliya

Guddoomiyaha Gobolka Banaadir ahna Duqa Magaalada Muqdisho, Dr. Xasan...

Guddiga Madaxa Bannaan ee Doorashooyinka Qaranka oo la kulmay Culimada Soomaaliyeed

Guddiga Madaxa Bannaan ee Doorashooyinka Qaranka iyo Soohdimaha ayaa...

Madaxweynaha JFS oo Shacabka Soomaaliyeed ugu hambalyeeyay Munaasabadda Maalinta Calanka

Madaxweynaha Jamhuuriyadda Federaalka Soomaaliya Mudane Xasan Sheekh Maxamuud ayaa...