Ankara- (SONNA)- Labada dal Turkiga iyo Kuwet ayaa kala saxiixday heshiisyo la xiriira iskaashiga dhinacyada amniga iyo horumarinta kaabaysha dhaqaalaha, ka gadaal markii uu booqasho martiqaad ah uu dalka Turkiga ku tagay Ra’iisul WasaarahaΒ Β dalka Kuweyt Shekh Jabir Al-mubaarak Al-sabaax
Dhinaca Dowladda Tirkiga waxaa heshiiskaasi u saxiixay Madaxweynaha dalkaasiΒ Rajab dhayib Ordagan, halka Dowladda Kuweytna Β uu u saxiixay Ra’iisul Wasaare Β Shekh Jabir Almubaarak Alsabaax,iyadoo qodobada heshiisyadaasi ay laba hogaamiye qalinka ku duugeen ay ka mid yihiin wax wada qabsiga dhinacyada Β dulimaadka diyaaradaha Rayidka ah,Canshuuraha, Isgaarsiinta iyo waliba dhinaca kala faaideysigaΒ aqoonta iyo waaya aragnimada Ciidamada Ilaalada Madaxtooyada labadaasi dal.
Booqashada uu Ra’iisul Wasaaraha dalka Kuwait Β ku tagay dalka Turkiga ayaa imanaysa xiili Dawladda Kuweyt ay waddo dadallo lagu qaboojinayo xiisadda siyaasadeed ee u dhaxeysa dowladda Qadar iyo Kuwa Khaliijka.
Dowladda Turkiga Β ayaa Β doonaysaa in xiisadda ka aloosan wadamada Khaliijka qaarkood iyo Dowladda Qadar loo maro hab dibolomaasi ah oo Β wada hadal iyo isfaham ah lagana fogaado inay ku lug yeeshaan arrintaasi faragelin kale ee quwado shesheeye.
Sida laga warqabo Dowlada Turkiga iyo Kuweyt ayaa leh xiriir aad u wanagsanΒ oo ku dhisan istaraatiijiyada iskaashiga laba dhinacΒ iyo waliba tan wadamadaΒ Islaamka
