Nabadoon Maxamed Xasan Xaad oo ka mid ah odayaasha dhaqanka Soomaaliyeed ayaa sheegay in ay dowladda ku taageersan yihiin goโaankii ay qaadatay ee la xiriiray dhiibista Cabdikariin Qalbi Dhagax oo ka tirsanaa ONLF.
Nabaddoon Xaad oo u warramayay Warbaahinta Qaranka, ayaa sheegay dowladdu ay qaadatay goโaan sax ah
โMa qabno in dadka soomaaliyeed masiirkooda iyo dowladnimadooda iyo soomaalinimada in loo lug gooyoย shakhsi aannaan ogeyn waxa uu yahayโ ayuu Yiri Nabadoon Maxamed Xasan Xaad.
Xaad waxa uu tilmaamay in aysan suurto gal ahayn in Soomaaliya ay gabbaad siiso jabhad hubeysan oo dagaal kula jirta dal aan daris nahay, isagoo yiri โAnnagu ma qabno dowladda Soomaaliya urur mucaarad ah oo hubeysan oo dowladaha dariska ah dagaal kula jira in ay gabbaad u noqotoโ
Nabaddoon Maxamed Xasan Xaad, waxa uu bulshada Soomaaliyee ugu baaqay inay dowladda ku garab istaagaan goโaanka ay qaadatay oo ah mid u daneynaya qarannimada iyo nabad gelyada dalka
โAnnagu waa taageereynaa, Shacabka Soomaaliyeed waxaan ugu baaqeynaa inay taageeraan goโaanka dowladdaโ ayuu hadalkiisa sii raaciyay nabaddoon Xaad.
Nabaddoon Xaad ayaa xusay maxaabiistii dhowaan dowladdu ka soo deysay xabsiyada Ethiopia, taas oo uu sheegay in ay ku timid iskaashi, heshiis iyo wada shaqeyn dhex martay Ethiopia, waxa uuna sheegay in ay haddana socdaan dadaallo dowladdu ku sii deyneyso maxaabiis kale oo Soomaaliyeed oo ku jjira xabsiyada Ethiopia.
โDowladdu waxay xabsiyo ka soo deysay dad Soomaaliyeed oo Ethiopia, taasna waxaa keenay heshiis, isla shaqeyn iyo Is-fahamโ
Ugu dambeyntii Nabaddoon Xaad ayaa carrabka ku adkeeyay in ay mowqifka dowladdu ka qaadatay Qabi dhagax uu ahaa mid sax ah.
โWaxaan qireynaa oo aan ku dhiirraneynaa dowladdu mowqifkii ay ka qaadatay Qalbi dhagax in uu sax yahay, uuna yahay mid lagu badbaadinaayo jiritaanka ummadda soomaaliyeedโ ayuu yiri Nabaddoon Xaad oo sheegay in ONLF ay tahay Jabhad hubeysan oo aan nabad ka shaqeyn.
Halkana ka daawo hadalka Nabaddoon Xaad
