War qoraal ah oo ka soo baxay dowladda Mareykanka ayaa lagu amaanay dadaalada dowladda Soomaaliya ay ka geysatay in uu isku soo dhiibo dowladda federaalka Soomaaliya Sh. Mukhtaar Roobow.
Dowladda Mareykanka ayaa sheegtay in ay taageereyso qorshaha Soomaaliya hoggaaminayso oo lagu bahdilayo saameynta Al-shabaab isla markaana lagu sameynayo isfaham iyo isku soo dhowaansho, taas oo ay kamid tahay isu soo dhiibidda xubnaha sar sare ee Al-shabaab, dib-u-heshiisiinta, kor u qaadista dowladnimada iyo gaarsiinta adeegyada bulshada.
Mareykanku waxaa uu dowladda Soomaaliya ku boorinayaa in ay sii waddo dadaalada jidka u xaareya in xubnaha Al-shabaab ay diidaan falalka guracan ee argagaxisada kuna soo biiraan nabad dhisidda iyo barwaaqeynta guud ahaan Soomaaliya.
