Wasiirka Maaliyadda XFS mudane Cabdiraxmaan Ducaale Bayle iyo Wasiir ku xigeenka mudane Cabdullahi Sheekh Cali Qaloocow ayaa saaka boqosho ku tagay qaar ka mid ah xarumihii Wasaaraddu ay ย lahayd Dagmooyinka Xamarweyn iyo Howlwadaag ee magaalada Muqdisho.
Ujeedad kormeerka masโuuliyiintani ay ku tageen xarumihii hore ee wasaaradda maaliyadda ayaa ah sidii loo heli lahaa wadiiqooyin sahlaya dib u dhis lagu sameeyo xarumahaasi.
Xarumahaan oo ahaa Laamihii Canshuuraha Berriga ee Wasaaradda ayaa qaarkood ย laga saaray dadkii daganaa halka qaar kalana bur bur xoogan uu ka muuqdo.
Wasiirka ayaa sheegay in Xarumaha hada gacanta dowladda ku soo noqday lagu samaynayo dayactir si loogu qabto adeegyadii shacabka loo hayey.
โXarumihii ay lahayd wasaaradda maaliyadda ee hadda gacanta Dowladda ku soo noqday waxaa lagu sameynayaa dayactir, si loogu qabto adeegyada muhiimka ah ee wasaaraddu ay u hayso shacabkaโayuu yiri wasiirka maaliyadda Soomaaliya.
Wasaaradda maaliyadda Xukuumadda Soomaaliya aya wadad dadaalo ku aadan sidii dib u dhis loogu sameyn lahaa guud ahaan xarumihii ay ku lahayd dalka si loogu qabto adeegyada muhiimka ah, waxaa dhawaan lagu guuleystay in dib loo dhiso xaruntii weynayd ee wasaaradasi oo kutaala ka so horjeedka Bankiga Dhexe ee degmada Shingaani.
