Iyadoo ay ka socanayaan magaalada Gaalkacyo barnaamijyo ku aadan la dagaallanka shaqa laโaanta dhallinyarada Soomaaliyeed ayaa waxaa maanta ku dhawaad boqol iyo lixdan dhallinyara ah loogu soo gaba a gabeeyay magaalada tababar si lacag la aan ah loogu barayay xirfado kala duwan oo ay ku shaqeeysan karaan, kuna maareeyn karaan dhaqaalaha ay ka helaan nolashooda, maadaama ay jiraan kumanaan dhallinyaraha oo ku nool Gobalka Mudug isla markaana ay heysato shaqa laโaan inteeda badan loo tirinayo in ay ka dhalatay aqoon laโaanta dhallinyarada ka heysta xirfadihiiย ay ku shaqeeysan lahaayeen.
Tababarkaan oo ay fulintiisa iska kaashanayeen dugsiga tababarka xirfadaha ee Mudug iyo hayโadaha SOSDA iyo Daryeel oo iyagu afartii sano ee u danbeeysay door weyn ka qaatay in in kabadan kun dhallinyara ah isla markaana isugu jira wiilal iyo gabdho ay si lacag laโaan ah uga saacidaan barida xirfado kala duwan oo ay ku shaqeysan karaan, kuwaasi oo qaarkood xiligaan ku mareeya nolashooda xirfado ay bareenย ayaa xirtaankiisii waxaa kasoo qeyb galayย masuuliyiin ka tirsan kuwa Maamulka degnmada Gaalkacyo, masโuuliyiin ka socday hayโadaha SOSDA iyo Daryeel, waalidiin iyo marti sharaf kale
Ugu horeyna waxaa munaasabada xiritaankaย ka hadlay Maamulaha xarunta tababarka xirfadaha ee Mudug Maxamed Daahir Aadan ayaa sheegay in boqal konton iyo lix arday oo dhalinyara ah, isla markaana si lacag la aan ah ay u bareen muddo lix bilood ah xirfado ay ka mid yihiin korantada, makaanikada, kumbuyuutarka, solar system-ka iyo luuqadda English-ka ay maanta ka qalin jabinayaan Xarunta Tababarka Xirfadaha ee Mudug ayna yihiin Dufcadii lixaad ee ka baxda xaruntaasi intii ay shaqeynaysay
Sidoo kale waxaa madasha xiritaanka tababarkaan ka hadlaya C/laahi Macalin oo ku hadlayay magaca Hay adda Daryeel waxaaana uu sheegay in uu aad ugu faraxsan yahay in wixii ay muddo ay ku taamayeen ay mira dhaleen, isagoo xusay in ujeeddada laga leeyahay barnaamijyadaan ay yihiin kuwa ku aadan in la helo dhallinyaro leh xirfado ay ku shaqeysan karaan.
Ugu danbeyna duqa degmada Gaalkacyo ayaa halkaasi shahaadooyin ku guddoonsiiyay dhalinyaradii tababarka dhameystay, isagoo u mahad celiyay Hayโadaha barnaamijkaan iska kaashaday.
