Wasiirka Warfaafinta, wasiirka Destuurka iyo guddoomiyaha gobolka Banaadir, ayaa ka qeyb-galaya Barnaamijka TEDx Muqdisho oo ah barnaamij isu keenna bulshada, siyaasiiyiinta, aqoonyahannada, abwaannada, Dhaqaatiirta, dhalinyarada, Haweenka iyo fikir curiyeyaasha Soomaaliyeed ayaa ka bilaabanaya goor dhow Muqdisho, kaas oo ay soo agaasintay Ilwad Elman.
Barnaamijkaan oo sannadle ah, sannadkaan waxa cinwaan u ah Iskaa wax u qabso, Ilwaad Elman oo madax ka ah barnaamijka TEDx Muqdisho, ayaa furtay barnaamijka, waxa ay sheegtay in u jeedada ay tahay sidii dadweynaha loo dareensiin lahaa dib u soo laabashada Muqdisho dhinac walba, si dagaaladii burburiyey dalka loogu badelo horumar iyo wax wada qabsi.
”Iskaa wax u qabso waxaan u doorannay in uu yahay Cinwaanka ugu habboon sannadkaan, waxaan aaminsahay in ay muhiim tahay dhiiragelinta hal u dhiggaas, waxaan kaloo aaminsanahay in dadka Soomaalida ah ay diyaar u yihiin isku tashi iyo horumarinta dalkooda.” ayeey tiri Ilwad Eman.
Waxa ay u mahadceliyey Telefishinka Qaranka, Basiir Peace iyo inta gacan ka geysatay in barnaamijkaan TEDx Muqdisho sannadkii afaraad lagu qabto Muqdisho.
.
